Rada nacyjanalnaj biaśpieki i abarony Ukrainy 2 vieraśnia ŭchvaliła novuju vajennuju daktrynu, u jakoj Rasijskaja Fiederacyja vyznačajecca praciŭnikam Ukrainy.
Prajekt pradstaŭleny Piatru Parašenku dla zaćviardžeńnia.
Novaja Vajennaja daktryna Ukrainy:
vyznačaje Rasijskuju Fiederacyju vajskovym praciŭnikam Ukrainy i ŭmovy vyzvaleńnia časova akupavanych terytoryj Ukrainy;
zychodzić z vysokaj vierahodnaści bujnamaštabnaha prymianieńnia suprać Ukrainy vajennaj siły jak hałoŭnaj pahrozy nacyjanalnaj biaśpiecy Ukrainy ŭ vajennaj śfiery;
paćviardžaje admovu ad palityki pazabłokavaści i adnaŭleńnie stratehičnaha kursu na jeŭraatłantyčnuju intehracyju;
vyznačaje prykmiety ŭźniknieńnia ŭzbrojenaha kanfliktu ŭnutry Ukrainy, u tym liku inśpiravanaha zamiežnymi dziaržavami;
uličvaje pavieličeńnie roli infarmacyjna-psichałahičnych apieracyj dy inš.
Vajennaja daktryna Ukrainy hruntujecca na Stratehii nacyjanalnaj biaśpieki Ukrainy i źjaŭlajecca bazavym dakumientam vajennaha płanavańnia.
Prajekt prajšoŭ hramadskaje abmierkavańnie z pryciahnieńniem jak pradstaŭnikoŭ orhanaŭ dziaržaŭnaj ułady Ukrainy, tak i ekśpiertaŭ niedziaržaŭnych arhanizacyj, a taksama zamiežnych daradcaŭ, akredytavanych pry Ofisie NATA va Ukrainie.
