Časopis Arche raspačynaje novuju akcyju.
U honar čarhovaj hadaviny Aršanskaj bitvy da 16 vieraśnia možna zamović 4 supieravydańni pa canie adnaho!
Vašaj uvazie prapanujucca najlepšyja publikacyi 2014-2015 hadoŭ, pryśviečanyja palityčnaj i vajskovaj historyi Vialikaha Kniastva Litoŭskaha:
1. Na ŭschodniaj miažy Vialikaha Kniastva Litoŭskaha (siaredzina XIV — pieršaja pałova XVI st.) / V.M. Ciemušaŭ; pierakład z ruskaj movy N. Bakšanskaja, M. Martysievič, S. Ciemušaŭ. — Smalensk: Inbiełkult, 2014. — 464 s.
Kniha ŭjaŭlaje ź siabie tematyčny zbor prac viadomaha biełaruskaha historyka, śpiecyjalista pa histaryčnaj hieahrafii, kartohrafa Viktara Ciemušava. Asobnyja raździeły knihi ŭpieršyniu ŭ ajčynnaj histaryjahrafii dazvalajuć prasačyć transfarmacyju ŭschodniaj miažy Vialikaha Kniastva Litoŭskaha na praciahu XIV — pieršaj pałovy XVI st. Vyznačańnie litoŭska-maskoŭskaj miažy razhladajecca na fonie raźvićcia adnosin dźviuch najbujniejšych dziaržaŭ Uschodniaj Jeŭropy: ad pieršych terytaryjalnych kantaktaŭ i kanfliktaŭ druhoj pałovy XIV st. da ŭstalavańnia tryvałaj miažy i pamiežnych vojnaŭ XV — pieršaj treci XVI st. Asobny raździeł pryśviečany losu Homiejskaj vołaści, jakaja na praciahu doŭhaha času zajmała pamiežnaje stanovišča pamiž VKŁ i Vialikim Kniastvam Maskoŭskim. U dadatku źmieščany pracy aŭtara pa prablemach histaryjahrafii, krynicaznaŭstva i rehijanalnaj historyi, źviazanyja z ahulnaj temaj. Značnuju kaštoŭnaść knizie nadajuć histaryčnyja karty, šerah ź jakich nadrukavanyja ŭpieršyniu.
Poŭny źmiest knihi dastupny TUT.
2. Chronika Biełaj Rusi: Imahałohija Biełarusi CHII—XVIII stst. / Aleś Bieły. — 2-je vyd., papraŭł. i dapoŭn. — Smalensk: Inbiełkult, 2013. — 468 s.
«Chronika Biełaj Rusi» — istotna pierapracavanaje i dapoŭnienaje vydańnie manahrafii 2000 h., pryśviečanaj historyi ŭźniknieńnia charonima «Biełaja Ruś» i jaho pastupovaha dastasavańnia da terytoryi siońniašniaj Respubliki Biełaruś, razhledžanych u rečyščy «historyi idej». U knizie na padstavie analizu vialikaj kolkaści tekstavych i kartahrafičnych krynic prasočvajecca evalucyja «Biełaj Rusi» ŭ sistemach hieahrafičnych viedaŭ roznych epoch i' narodaŭ Jeŭropy. Artykuły i narysy aŭtara pa historyi kartahrafavańnia terytoryi Biełarusi, jaje adlustravańnia ŭ zachodniejeŭrapiejskaj ikanahrafii i inšyja materyjały dapaŭniajuć asnoŭnuju častku knihi, stvarajučy maštabnuju karcinu evalucyi vobraza krainy ŭ CHII—ChVIII, razhledžanaj skroź pryzmu imahałohii — novaj sintetyčnaj histaryčnaj dyscypliny.
Poŭny źmiest knihi dastupny TUT.
3. Litoŭskaja znać u kancy XIV—XV st.: Skład — struktura — ułada / Rymvidas Piatraŭskas; pierakład ź litoŭskaj movy Aleś Mikus. — 2-je vyd. — Smalensk: Inbiełkult, 2014. — 386 s.
Praca sučasnaha litoŭskaha historyka Rymvidasa Piatraŭskaha — sproba sintezu piersanalnaj i sacyjalnaj historyi. Z adnaho boku, aŭtar imkniecca vyznačyć pachodžańnie litoŭskaj znaci i pakazać jaje hienieałahičnaje raźvićcio, a ź inšaha boku sprabuje raskryć strukturny pierałom unutry zhadanaj znaci, jaki adbyŭsia ŭ XV st. Abiedźvie asnoŭnyja prablemy razhladajucca z ulikam dośviedu jeŭrapiejskaj histaryjahrafii.
Poŭny źmiest knihi dastupny TUT.
4. ARCHE № 11 (110) za 2011 hod.
Daśledavańnie Zianonasa Norkusa «Vialikaje Kniastva Litoŭskaje ŭ paraŭnalnaj histaryčnaj sacyjałohii impieryj» (41 s.), Alfredasa Bumbłaŭskasa «Da prablemy cyvilizacyjnaha charaktaru Vialikaha Kniastva Litoŭskaha», «Epanimičnaja viersija pachodžańnia nazvy Litva ŭ śviatle biełaruskich refleksaŭ indajeŭrapiejskaha bliźniečaha mifa» Siarhieja Sańka, «Prablemy palityčnaha stanovišča Vialikaha Kniastva Litoŭskaha ŭ Rečy Paspalitaj abodvuch narodaŭ i jahonaha raźvićcia ŭ 1569—1764 hh.» Zihmantasa Kiaŭpy.
Poŭny źmiest numara dastupny TUT.
Jak zamović hetyja vydańni — čytajcie na sajcie časopisa Arche.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ11
Kamientary