Fota Marka Džurycy, Rojterz.
Videaapieratarka ultrapravaha vienhierskaha telekanała N1TV šturchała biežancaŭ, jakija prarvali palicejskaje ačapleńnie kala łahiera ŭ horadzie Roska. Paśla taho jak kadry, źniatyja jaje kalehami, trapili ŭ internet, jana była zvolnienaja.
Na videazapisach, źniatych inšymi žurnalistami, vidać, jak Łasła Pietra ŭdaryła maleńkuju dziaŭčynku, jakaja biehła mima, zatym — mužčynu ź dziciem na rukach, u vyniku čaho jon upaŭ. Hetyja kadry vyklikali skandał u sacsietkach.
U pryvatnaści, na staroncy telekanała ŭ fejsbuka pad publikacyjami źjavilisia kamientary na roznych movach: «Hańba!», «Fašysty!».
Telekanał apieratyŭna adreahavaŭ na infarmacyju. Hałoŭny redaktar na svajoj staroncy napisaŭ, što žurnalistka prademanstravała nieprymalnyja pavodziny ŭ łahiery biežancaŭ u Roscy. «Joj nakiravana paviedamleńnie ab zvalnieńni», — paviedamiŭ jon.