Minsk budzie śviatkavać Dzień horada try dni: raskład mierapryjemstvaŭ

Dzień horada ŭ stalicy z 2002 hoda adznačajecca ŭ druhuju subotu vieraśnia (śviata nie pryviazanaje da kankretnaj padziei). U 2015 hodzie śviatkavańnie raściahniecca na niekalki dzion, pieršyja nievialikija mierapryjemstvy prajšli ŭžo ŭ čaćvier, 10 vieraśnia. Asnoŭnaje śviata — 12 vieraśnia.

Pieradusim, źviartajem uvahu aŭtamabilistaŭ:

U subotu, 12 vieraśnia ŭ Vierchnim horadzie pierakryjuć ruch transpartu, abmiažujuć na vulicach Staletava i Kazłova, piešachodnaj stanie vulica Kastryčnickaja. 13-ha z 10 da 15 hadzin dnia budzie abmiežavany ruch transpartu na miescy praviadzieńnia paŭmarafonu.

Pavialičyć

Pavialičyć

Zatoje mietro budzie chadzić čaściej, dy z naziemnym transpartam budzie chitra.

U subotu piarojduć na ŭzmocnieny režym raboty, milicyja, miedyki i rataŭniki. Pierad miescami praviadzieńnia kancertaŭ i kirmašoŭ vystaviać KPP, buduć vieści videarehistracyju. U miescach praviadzieńnia śviataŭ ałkahol pradavacca nie budzie. 

Na vychodnyja abiacajuć pachmurnaje nadvorje, u niadzielu mahčymy doždž.

Piatnica, 11 vieraśnia

Užo ŭ piatnicu amal u kožnym rajonie pačnucca aficyjnyja kancerty i dvarovyja śviaty, ź ich raskładam možna aznajomicca tut.

Pavialičyć

I ŭžo ŭ piatnicu pačniecca trochdzionny Minsk Festival — mnostva samych raznastajnych kancertaŭ i viečaryn. Niekatoryja ź ich buduć biaspłatnyja, za niekatoryja daviadziecca zapłacić, ale na ŭsie možna nabyć adziny kvitok.

A biaspłatna ŭ piatnicu možna budzie schadzić na džaz u Loft Café i Café Netto, biaspłatnyja načnyja dydžejskija viečaryny ŭ «Chulihan», «Čierdak», «Kaljannaja №1» i majstar-kłas pa fanku i chaŭs-muzycy na Ableton Belarus School (Revalucyjnaja, 17).

Z 14 da 16 hadzin u niekalkich adździaleńniach pošty možna budzie biaspłatna atrymać i adasłać paštoŭku.

Taksama 11 i 12-ha možna biaspłatna schadzić u Nacyjanalny histraryčny muziej na vystavu Jury Vinahrada «Sinie-zialonaja» i ŭ muziej Kupały na «Kalevała vačyma rasijskich mastakoŭ», z 11-ha da 13-ha — u Halereju «Ŭ» na vystavu dziciačych rabot «Suśviet unutry» i vystavu «Zołata» ŭ Cut Barbershop (vuł. Kamsamolskaja, 23).

Pavialičyć

I jašče — u piatnicu jość dobry šaniec pafatahrafavać toje, što namalavali vuličnyja mastaki na fiestyvali «Vulica Brasil», dla hetaha navat zładziać aŭtobusnyja i viełatury.

Subota, 12 vieraśnia

Pavialičyć

Z 11:07 (ci 10:67, jak śćviardžajuć arhanizatary) hadziny na bierazie Śvisłačy la Steły pačniecca vialiki fest «Minsk Staražytny». Uvachod volny. U prahramie rycarski turnir, buhurt i turnir łučnikaŭ, šturm zamka, pakazalny vystup pa vajnie 1812 hoda i vystupy pa Pieršaj i Druhoj suśvietnaj vojnach, duel dudaŭ i kancert hurtoŭ «Rokaš», «Lity taler» i «Nevrida».

U 11 ranicy pačniecca 5-y minski mižnarodny marafon na rolikach. Start ad Staletava, 1, rehistracyja z 8:00. Abiacajuć pryz za najlepšy kaścium! U toj ža čas na Śvisłačy (u rajonie Parka Pieramohi) startujuć spabornictvy pa parusnym sporcie, a kala Pieramožcaŭ, 18/1 — spabornictvy pa bajdarkach i kanoe. U 13:00 na Cniancy startuje kubak pa vejkbordu (jak siorfinh, ale pryviazany da katara).

U 11:30 la Pałacu Sportu pačniecca śviatočny kancert «Zorki stalicy» la PałacaSporta, apoŭdni pačniecca śviatočnaja prahrama «Podych vulic u sercy stalicy» ŭ Vierchnim horadzie. Chto budzie vystupać — nie anansavana, vierahodna, zorki estrady. I tam, i tam projduć vystavy i kirmašy. Svoj vialiki fest budzie i ŭ Čyžoŭki. Minčanina hoda ŭznaharodziać u 18:00 kala opiery.

A ŭ 17:30 pačniecca «Vieraśniovaja noč» la Mastackaha muzieju — z dehustacyjaj kavy i šakaładu, vystavaj Adama Hłobusa, majstar-kłasami pa tancach, kino i mnohim inšym.

Pavialičyć

Vulica Kastryčnickaja stanie piešachodnaj — z 12:00 tam pačniecca vialikaje śviata z muzykaj ad Morfe i Šuma, brazilskimi tancami i stryt-artam. Aficyjna padarunak horadu tam pieradaduć u 16:00. Mierapryjemstvy praciahnucca da 22:00.

Dla amataraŭ jašče bolš jaskravaha adpačynku ŭ 10:00 pačniecca vialiki Color-fest u «Drymłendzie» i praciahniecca až da siomaj viečara. U Łošyckim parku budzie svoj Color-fest, jaki pačniecca z 11:00 i praciahniecca da 18:00, na im taksama vystupiać biełarusy «Daj darohu!» i rasijski repier Kravc. A ŭ parku Paŭłava ŭ 14:00 adkryjecca samaja vialikaja ŭ horadzie stryt-varkaŭt placoŭka, na adkryćci vystupiać «Litesound».

Dla lanivych z 11 ranicy ad płoščy Svabody i čyhunačnaha vakzała buduć chadzić dvuchpaviarchovyja ekskursijnyja aŭtobusy Minsk City Tour, ekskursija budzie kaštavać 200 tysiač dla darosłych i 100 tysiač dla školnikaŭ.

A dla amataraŭ muzyki velcom zładzić biaspłatny kancert kłasičnaj muzyki ŭ siadzibie Vańkovičaŭ (Internacyjanalnaja, 33a), a na bierazie Kamsamolskaha voziera vystaviać svabodnaje fartepijana.

Pavialičyć

Salut kala Steły — u 22:00. U hety ž čas pačniecca vialikaje fajer-šoŭ.

Niadziela, 13 vieraśnia

U 12:00 u parku Čaluskincaŭ pačniecca fiestyval dranikaŭ. Akramia ŭłasna ježy buduć majstar-kłasy i konkursy kštałtu zabiehu ŭ miaškach i sełfi-konkursu.

Drevy na bulvary Mulavina atrymajuć viazanyja švedary taksama apoŭdni, tam budzie pracavać Zona tvorčaści. Darečy, možna samastojna źviazać kavałačak švedara 11 na 13 santymietraŭ — jon stanie častkaj kampazicyi.

Pavialičyć

Ale centralnaj padziejaj dnia stanie paŭmarafon («Polo-marafon»). Usie achvočyja zmohuć padtrymać tych, chto prabiažyć pa samym centry horada 20-kiłamietrovuju dystancyju. Start u 11:00.

Taksama 13-ha praciahniecca fest la Čyžoŭka-areny, rajonnyja śviaty i mierapryjemstvy Minsk Festival, u tym liku biaspłatnyja viečaryny ŭ bary «Ŭ» i «Kaljannaj №1» i biaspłatnyja kancerty ŭ Loft Café i Stirlitz.

***

Viedajecie inšyja cikavyja mierapryjemstvy ŭ hetyja dni? Napišycie pra ich u kamientarach!

• 0
• 0
• 0
• 0
• 0
• 0
• 0
• 0