Instalacyja biełaruskaha stryt-art mastaka - Dima Dream
Pastupova ajčynnaja estrada sychodzić sa sceny, i na źmienu joj prychodziać «new generation» sa svaim stylem, manierami vykanańnia i novymi chitami. Niadaŭna ŭ sacyjalnych sietkach padymałasia tema maładych vykanaŭcaŭ i hučała pytańnie, čamu my ich nie bačym. Voś pieśni maładych biełaruskich pop-hurtoŭ i ich piesień za pieršuju pałovu 2015 hoda.
Drazdy — «Paviazu ŭ viosku»
Znakamity svaim ahra-trešam hurt «Drazdy» vypuściŭ śviežy klip, jaki pastupova nabiraje prahlady. Pieśnia — «Paviazu ŭ viosku».
Dy-2. Bronks & Natali — Ad serca da serca.
Sam duet piša pra siabie tak: «hurt, jaki staŭ u 90-ja adkryćciom ruskaj tancavalnaj muzyki». Vializnyja aficyjnyja tyražy dyskaŭ, videaklipy na rasiejskich telekanałach, pieśni na radyjostancyjach. Zdajecca, tut ničoha nie treba dadavać, voś ich klip:
Hierman Citoŭ — «Žančyna»
Udzielnik rasijskich teleprajektaŭ «Narodny artyst — 2» i «Sakret pośpiechu». Z 2009 hoda viadzie prahramu «Naša ranica» na ANT u pary z Natallaj Radzinaj (druhoj). Viadomy napisańniem piesień dla Filipa Kirkorava i Mikałaja Baskava. Vašaj uvazie — Hierman Citoŭ z kampazicyjaj «Žančyna».
Kirył Jermakoŭ — «Rychtyk»
Supier-finalist konkursu «Moj Camp Rock» ad Disney. U ŚMI pra jaho pišuć, što jon znakamity śpiavak i muzyka. Sprava ŭ tym, što Kiryła ŭdzielničaŭ u konkursie «Akademija talentaŭ» na ANT i taksama adzin z udzielnikaŭ rasijskaha muzyčnaha konkursu «Hołas».
Hurt MISTERS i Kacia Vołkava — «My staniem bližejšyja»
Heta muzyčny prajekt maładoha biełaruskaha artysta, aranžavalnika i aŭtara piesień Jana Majersa. Zychodnym punktam dla prajekta MISTERS stała šou telekanała ANT «Mistar Biełaruś», u jakim Jan staŭ pieramožcam u naminacyi «Mistar mužčynskaja salidarnaść». Kacia Vołkava - finalistka šou «Chaču ŭ Via hru» (NTV), udzielnica «Akademii talentaŭ 2» (ANT), śpiavačka i aŭtar 10 piesień aktyŭna ratyrujemych na terytoryi Biełarusi i Ukrainy. Razam jany źniali klip na pieśniu «My staniem bližejšyja».
Jaŭhien Słucki — «Z taboj»
Jaŭhien — pieramožca televizijnaha prajekta telekanała ANT «Akademija talentaŭ». Sam jon rodam sa Słucka, mienavita tamu i ŭziaŭ taki psieŭdanim. Raniej byŭ łaŭreatam mižnarodnaha konkursu «Jałta-2006», a taksama respublikanskaha konkursu «Zorka ŭzyšła nad Biełaruśsiu» ŭ składzie hurtu «Harmonija».
Arciom Michalenka — «Na stahodździ»
Znakamity pieramohaj u prajekcie «Novyja hałasy Biełarusi». Naradziŭsia ŭ maleńkim pasiołku Alekšycy Bierastavickaha rajona. Pačaŭ zajmacca muzykaj jašče z 4 hod, tak i patrapiŭ na scenu. Jaho novaja kampazicyja «Na stahodździ» nabrała ŭžo kala 11 tysiač prahladaŭ na JUTubie.
Hanna Šarkunova — «Usio heta było»
Šmat chto viedaje Hannu pa jaje ŭdziełach u «Pieśni hoda Biełarusi» i adborach na «Jeŭrabačeńnie». Hetym letam jana vypuściła novy klip pad nazvaj «Usio heta było». Zdymki adbyvalisia ŭ italjanskim horadzie Palerma.
Alaksiej Chlastoŭ i Dzianis Majdanaŭ — «Ty brat»
Udzielnik «Novaj chvali — 2005» i čałaviek, jaki źbiraje Pałac Respubliki, u hetym hodzie vypuściŭ saŭndtrek da filma «My braty», jaki zdymaŭsia za dziaržaŭnyja hrošy. A kampaniju jamu skłaŭ rasijski śpiavak Dzianis Majdanaŭ. Uvaha, šmat śpiecefiektaŭ.
Jahor Vaŭčok — «Supakojsia»
Chto taki Jahor? Udzielnik dziciačaha «Jeŭrabačeńnia-2004» i finalist teleprajekta «Akademija talentaŭ» na ANT. Siońnia Jahor nahadvaje takoha «biełaruskaha Ivana Dorna».
Teo — «Supakojsia»
Raspaviadać siońnia, chto taki śpiavak Tea, pa-mojmu, nie patrabujecca. Tamu vašaj uvazie jaho novy chit — «Supakojsia».
Viktoryja Aleška — «Supakojciesia, mužčyna!»
Nastupnuju biełaruskuju śpiavačku možna dakładna nazvać «biełaruskaj Alenaj Vajenhaj». Mo tamu ludzi i słuchajuć. Viktoryja Aleška ŭ 16 hadoŭ stała salistkaj ansambla «Vierasy». Skončyła Univiersitet kultury, estradnaje adździaleńnie pa kłasie vakału. Hod tamu, adpracavaŭšy 11 hadoŭ u «Vierasach», zaniałasia solnaj karjeraj.
Alona Łanskaja — «Ja žyvaja»
Znakamitaja śpiavačka Alona Łanskaja hetaj viasnoj vypuściła novy klip pad nazvaj «Ja žyvaja». Cikava, jaki sens jana ŭkładała ŭ słovy i pastanoŭku klipa?
Cherry Lady — «Adrenalin»
Pavieł Kłyšeŭski — pradziusar i lidar hurtu «Ciahni-šturchaj» — stvaryŭ trya, nazva jakoha Cherry Lady. Jak śćviardžaje ich pradziusar, dziaŭčyny vystupajuć tolki ŭžyvuju, jany vielmi talenavityja i seksualnyja. Voś ich novy klip na pieśniu «Adrenalin»:
Dzima Kaminski & Music Hayk — «Značyć»
Sumiesna z rasijskim łejbłam «Manalit» Dzima vypuściŭ svoj pieršy solny albom — #Łunochod8, jaki chutkimi tempami nabiraŭ papularnaść pa ŭsim SND. U Biełarusi albom #Łunachod8 atrymaŭ «Albom hoda — 2013» ad ANT. Vypusknik prajekta «Fabryka zorak — 4» (Kijeŭ, 2011) na ŭkrainskim «Novym kanale».
Takim čynam, možna zrabić vysnovy: nielha skazać, što siońniašniaj moładzievaj biełaruskaj pop-estrady nie isnuje. Tak, telebačeńnie zastajecca zachoplenym rasijskim šoŭbizam, a ŭ muzykaŭ brakuje hrošaŭ na arhanizacyju vialikich šou. Pryčyny mohuć być roznyja, ale moža skazać adzinaje: talenavitych vykanaŭcaŭ stanovicca bolš.
