Oktoberfest u Kamarovie: pačnie Trubetskoy, a skončać Dzieciuki

Z 25 vieraśnia da 10 kastryčnika ŭ zaharadnym kompleksie Kamarova, što ŭ 5 kiłamietrach ad Minsku, projdzie śviata žyvoj muzyki i hastranamičnaha zadavalnieńnia Oktoberfest, u miežach jakoha adbudziecca piać kancertaŭ viadučych hurtoŭ Biełarusi.

Śviata prachodzić pad słohanam «Chmiel žyvoj muzyki!», u jaho miežach zapłanavana bahata cikavostak. Štodnia z 25 vieraśnia da 10 kastryčnika na terytoryi zaharadnaha kompleksu «Kamarova village» buduć pracavać zony aktyŭnaści, pravodzicca konkursy i spartovyja mierapryjemstvy i, kaniečnie ž, haściej čakajuć dalikatesy i prysmaki.

«My ŭziali za nazvu viadomy brend Oktoberfest, bo jon najlepš pieradaje sutnaść taho, što budzie adbyvajecca ciaham hetych dvuch tydniaŭ: heta žyvaja muzyka, zabavy i hastranamičnaje zadavalńnie. Pry hetym zrazumieła, što pry pieranosie na svaju hlebu, my napoŭnim hety brend i nacyjanalnym kałarytam», – zajaŭlaje adzin z arhanizataraŭ Andrej Kaścianievič. 

U miežach śviata zapłanavanaja bahataja muzyčnaja prahrama – pa piatnicach i subotach projdzie 5 fajnych kancertaŭ z udziełam viadučych hurtoŭ Biełarusi. Na adkryćci 25 vieraśnia vystupiać hurty Trubetskoy, N.R.M. i Pawa. 26 vieraśnia ŭ miežach rok-dnia syhrajuć Neuro Dubel, The UNB i Leibonik. 2 kastryčnika budzie hučać bluz i bluz-rok ad Bluesville Station, prajektu «Pjanyja hości» i hurtu «Krama». 3 kastryčnika na folk-dni čakajucca sety ad hurtoŭ «Rokaš», «Paparać» i «Pałac», a zakryje biełaruski Oktoberfest pank-dzień 10 kastryčnika, na jakim syhrajuć «Tłušč», Pomidor/off i Dzieciuki. Vieści ŭsie kancerty budzie šoŭmen Usievaład Ścieburaka.

Kancerty adbuducca va ŭtulnaj kaviarni «Kamarova village», a ŭsie astatnija mierapryjemstvy – na ŭsioj terytoryi zaharadniaha kompleksu. Pa subotach budzie pracavać dziciačy łahier Kids Village.

Pryjazdžać u Kamarova (5 km. ad MKAD pa Słuckaj šašy) možna na ŭłasnym transparcie – schiema prajezda. Taksama ŭ dzień kancertaŭ dla hledačoŭ buduć arhanizavanyja biaspłatnyja maršrutnyja taksi z d/s Družnaja-Kamarova, Kamarova – d/s Družnaja z 15.30 da 0.00.

Pačatak zabaŭlalnaj prahramy štodnia – u 16.00, kancerty projduć z 18.00 da 22.00

Kvitki ŭ papiarednim prodažy možna nabyć praz Kvitki.by: na adzin kancert jon budzie kaštavać 200 000 rub. (z ulikam kamisii apieratara). Dastupnyja taksama abaniemienty: na dva kancerty – 300 000 rub., na try kancerty – 400 000 rub., na čatyry kancerty – 500 000 rub., na piać kancertaŭ – 600 000 rub. (usie košty z ulikam kamisii apieratara).

Infalinija: +375 29 676-81-95. Braniravańnie stolikaŭ na kancert – +375 44 538-89-88. Pa pytańniach supracoŭnictva – +375 29 690-89-79.

Padrabiaznaści možna daznacca ŭ aficyjnych supołkach UKantakcie i Facebook

• 0
• 0
• 0
• 0
• 0
• 0
• 0
• 0