U Minsku prajšoŭ vajskovy parad u honar 80-hodździa pieramohi nad Hiermanijaj
U paradzie ŭziali ŭdzieł bolš za 4 tysiačy vajskoŭcaŭ, prytym nie tolki ź Biełarusi, ale i z Azierbajdžana, Kazachstana, Kyrhyzstana, Kitaja, Rasii, Tadžykistana i Uźbiekistana.
Pavodle słoŭ namieśnika kiraŭnika administracyi Łukašenki Uładzimira Piarcova, hledačami parada byli kala 100 tysiač čałaviek, jakija nazirali za šeściem u tym liku z prylehłych vulic.
Na paradzie vystupiŭ Łukašenka, jaki pierad tym viarnuŭsia z anałahičnaha mierapryjemstva ŭ Maskvie. U svajoj pramovie jon tradycyjna dla apošniaha času zhadaŭ pra nibyta adradžeńnie fašyzmu na Zachadzie i źbirańnie im siłaŭ dla napadu na Biełaruś i Rasiju.
«Jeŭrasajuz, jaki stvaraŭsia jak palityčnaje i ekanamičnaje abjadnańnie, faktyčna transfarmavaŭsia ŭ tatalitarny vajskova-palityčny błok adkryta revanšysckich nastrojaŭ», — zajaviŭ jon.
Mienavita tamu, maŭlaŭ,
«siońnia pierad abliččam žachlivaj pahrozy jeŭrapiejskaha fašyzmu, jaki adradžajecca, my zaklikajem uspomnić uroki Vialikaj Ajčynnaj vajny. Voś dla čaho nam patrebna siońnia hetaja pieramoha i ŭšanavańnie tych hierojaŭ».
Kulminacyjaj parada staŭ śviatočny fiejervierk, jaki zapuścili adrazu z šaści łakacyj.
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Na parad u Hrodnie vyvieli kazu. Ź joj akazałasia składaniej, čym ź ludźmi VIDEA
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Łukašenka pra parad Pieramohi ŭ Maskvie: Heta samy lepšy, samy mocny parad
Kamientary