Siońnia, 20 vieraśnia 2015 hoda ŭstupaje ŭ siłu druhi pratakoł pamiž Kabinietam ministraŭ Ukrainy i ŭradam Polščy ab uniasieńni źmianieńniaŭ u pahadnieńnie pamiž uradami dźviuch krain ab praviłach miascovaha pryhraničnaha ruchu, padpisanaha 28 sakavika 2008 hoda ŭ Kijevie.
Jak paviedamlaje pres-słužba Kabinieta ministraŭ, pałažeńniami druhoha pratakoła praduhledžvajecca, što žychary pamiežnaj zony buduć atrymlivać dazvoły na sproščanaje pierasiačeńnie miažy z pravam znachodzicca ŭ pamiežnaj zonie inšaj dziaržavy da 90 dzion kožny raz z daty pierasiačeńnia miažy.
Zbor za pryjom i razhlad pieršaj zajavy składzie 20 jeŭra, a nastupnyja dazvoły buduć vydavacca biaspłatna. Pryjom dakumientaŭ na afarmleńnie dazvołu na miascovy pryhraničny ruch buduć ažyćciaŭlać taksama źniešnija pastaŭščyki pasłuh.
Taksama dadadzienyja 4 nasielenyja punkty Ukrainy, na žycharoŭ jakich raspaŭsiudžvajecca dziejańnie pahadnieńnia ad 2008 hoda.
