 |
Za minułuju piatnicu i vychadnyja dni byli zatrymany 687 niećviarozych kiroŭcaŭ transpartnych srodkaŭ.
Jak paviedamili va ŭpraŭlenni Dziaržaŭtainśpiekcyi MUS krainy, za minułuju piatnicu i vychadnyja dni byli zatrymany 687 niećviarozych kiroŭcaŭ transpartnych srodkaŭ. Rekordnaja kolkaść pjanych za rulom była vyjaŭlena napiaredadni i niepasredna 8 sakavika. U kožny z hetych dzion byli zatrymany bolš za 260 «viasioleńkich» vadzicielaŭ. Dla paraŭnańnia, jak paviedamili ŭ DAI, u zvyčajnyja vychadnyja dni zatrymlivajucca ŭ siarednim 100—120 niećviarozych kiroŭcaŭ.
Darečy, u niadzielu pa vinie pjanaha vadziciela ŭ Minsku adbyłosia darožna‑transpartnaje zdareńnie sa śmiarotnym zychodam. Supracoŭnik staličnaha zaaparka, jaki jašče ŭ śniežni minułaha hoda byŭ pazbaŭleny pravoŭ, tym nie mienš sieŭ za rul, dy jašče ŭ niećviarozym stanie. Na vulicy Malinina jon nie spraviŭsia z kiravańniem, sutyknuŭsia z pryčepam. U vyniku avaryi zahinuła pasažyrka niećviarozaha kiroŭcy, taksama supracoŭnica zaaparka.
Ilustracyja UZR.com.ua
