Adkryćcio Oktoberfest'u: novaje i viadomaje ad Trubetskoy, Pawa i N.R.M.

U pieršy muzyčny dzień Oktoberfest'u ŭ Kamarova 25 vieraśnia hurt N.R.M. vyjdzie na scenu z novym muzykam, Trubetskoy syhraje miks z svaich najlepšych hitoŭ, a Pawa rychtuje admysłovy set «pad piva».

Oktoberfest u zaharadnym kompleksie «Kamarova», što ŭ 5 kiłamietrach ad Minsku, startuje ŭviečary 25 vieraśnia – apošnija dni babinaha leta. Na adkryćci vystupiać hurty Trubetskoy, Pawa i N.R.M.

«Naš vystup budzie admietnym chacia by tamu, što z nami budzie hrać novy hitaryst, a heta tatalna paŭpłyvaje na našu muzyku. Heta zaprošany čałaviek, imia jakoha my pakul publična nie abviaščajem», – kaža frantmen N.R.M. Pit Paŭłaŭ. Jaho hurt syhraje 25 vieraśnia prahramu, kudy ŭvojduć jak pieśni z apošniaha albomu «D.P.B.Č», tak i hałoŭnaja bajaviki. «Viadoma ž, ništo nie paraŭnajecca z «Tryma čarapachami», ale my aktyŭna hrajem novyja pieśni, jakija prymajuć nie horš za daŭnija chity. Utvaryŭsia taki manalit staroha i novaha, tak što čakajcie mocnaha kancertu», – abiacaje muzyka.

Hurt Pawa svaju set-list rychtuje z uliku śpiecyfiki mierapryjemstva. «My damo prahramu «pad piva»: zabojnyja tancy dla dzievak, kab skokali vyšej za stolu, a chłapcy kubkami adbivali rytm pa stałach i rasploskivali soładavy napoj. Buduć biazhłuzdyja i viasiołyja numary, brutalnyja i chajeratrasnyja. Budzie šmat tancaŭ, śpievaŭ i dudy», – kaža lidar kamandy Juraś Pankievič. U trek-list hurta ŭvojduć firmovyja kancertnyja numary «Taranteła», «Krakaviak», «Zajhraj ža dudaročku» dy inšyja, u tym liku z apošniaha albomu hurta «Žyta». 

Hurt Trubetskoy taksama robić staŭku ŭ Kamarova na samyja paznavalnyja kancertnyja numary. «Budzie toje, što našy słuchačy pačuli i palubili – častka staroha, častka novaha materyjału», – kaža pradusar hurtu Jaŭhien Kałmykoŭ. Kamanda na čale z Paŭłam Bułatnikavym tolki vyznačyłasia z nazvaj svajho debiutnaha albomu «Magister Bibendi!», jaki składajecca vyklučna z novaha materyjału. Ale da relizu dysku, zapłanavanaha na kastryčnik, hurt jašče ŭklučaje ŭ prahramu chity z repiertuaru hurtu «Lapis Trubiacki». Darečy, z Oktoberfest u Kamarova Trubetskoy jedzie na padobnaje mierapryjemstva z takoj ža nazvaj u Kijeŭ.

Akrom muzyčnaj prahramy padčas Oktoberfest'a na terytoryi kompleksu «Kamarova» planujecca bahata zabavaŭ i konkursaŭ: birponh, pieraciahvańnie kanatu, bojka paduškami, armrestlinh, valejboł uślapuju, honki ź pivam dy inšyja zony aktyŭnaści. Haściej čakaje bahaty vybar piva i admysłovyja prapanovy zakusak u najlepšych tradycyjach Oktoberfest'a.

Pačatak zabaŭlalnaj prahramy – u 16.00, kancert pačniecca ŭ 18.00. Viadučym kancertu budzie Usievaład Ścieburaka.

Pryjazdžać u Kamarova (5 km. ad MKAD pa Słuckaj šašy) možna na ŭłasnym transparcie – schiema prajezda. Taksama dla hledačoŭ arhanizavanyja biaspłatnyja maršrutnyja taksi z d/s Družnaja-Kamarova, Kamarova – d/s Družnaja z 15.30 da 0.00.

Kvitki ŭ papiarednim prodažy možna nabyć praz Kvitki.by: na kancert 25 vieraśnia papiaredni košt 200 000 rub. (z ulikam kamisii aperatara), na ŭvachodzie – 250 000 rub. Dastupnyja taksama abaniemienty dla tych, chto choča naviedać ad dvuch da piaci kancertaŭ, zapłanavanych pa piatnicach i subotach da 10 kastryčnika – vychodzić značna tańniej.

Infalinija: +375 29 676-81-95. Braniravańnie stolikaŭ na kancert – +375 44 538-89-88. Pa pytańniach supracoŭnictva – +375 29 690-89-79.

Padrabiaznaści možna daznacca ŭ aficyjnych supołkach UKantakcie i Facebook 

• 0
• 0
• 0
• 0
• 0
• 0
• 0
• 0