Biełaruskaja opiernaja śpiavačka Nadzieja Kučar tryumfalna debiutavała ŭ Vialikim Teatry Ženievy
Biełaruskaja opiernaja śpiavačka Nadzieja Kučar tryumfalna debiutavała ŭ Vialikim Teatry Ženievy.
Siezon tam adkryŭsia patryjatyčnaj opieraj Džaakina Rasini «Vilhielm Tel». Pastanoŭka ciahniecca «nudna i sonna, — piša vydańnie resmusica.com, — pakul na scenie nie źjaŭlajecca Nadzieja Kučar u roli Matyldy i nie pačynaje śpiavać». «Jaje hołas vyklučna lohki, a pryhažość linii śpievu nahadvaje Kaciu Ryčareli, jakaja vykonvała na ženieŭskaj scenie tuju samuju rolu ŭ vieraśni 1979 hoda!» — usklikaje recenzient Žak Šmit.
«Ad charyzmy Nadziei Kučar scena zaźziała, — piša vydańnie, — publika pračnułasia i ŭznaharodziła biełaruskuju saprana pieršymi ad pačatku śpiektakla apładysmientami, a tenar Džon Osbarn u roli Arnolda padciahnuŭsia ŭ vykanańni da svajoj partniorki.
Nadzieja Kučar vyrasła ŭ Biełarusi. Jana skončyła Minskaje muzyčnaje vučylišča imia Hlinki pa śpiecyjalnaści «muzykaznaŭstva», ale paśla vyrašyła pastupić u kansiervatoryju Sankt-Pieciarburha na vakał.
Jana śpiavała ŭ Minsku, Piermi, vyjhrała prestyžny mižnarodny konkurs u Brytanii i, miarkujuć krytyki, jaje čakaje bliskučaja mižnarodnaja karjera. Mahčyma, ź Biełarusi ŭzyšła zorka, roŭnych jakoj jašče nie było.
-
Kvietki, murał i tysiačy prychilnikaŭ. Jak prajšło raźvitańnie z Ozi Osbarnam u jaho rodnym Birminhiemie
-
Pastavić namiot — ad 70 rubloŭ, šaŭrma pa 20, duš za 10: jak sielota prachodzić Viva Braslav
-
«Ty začapiła maju radzimu — i heta podła». Repierka ź Biełarusi zapisała adkaz Instasamcy. Moładź ciapier masava zdymaje pad jaho tyktoki
Kamientary