Pasoł Kitaja ŭ Biełarusi Cuj Cymin na pres-kanfierencyi 22 vieraśnia ŭ Minsku vykazaŭ nadzieju, što padčas kampanii pa vybarach prezidenta biełarusy zrobiać «pravilny vybar».
«Ja adčuvaju i na svaje vočy baču, što vaša kraina pad kiraŭnictvam vašaha prezidenta Alaksandra Łukašenki dasiahnuła palityčnaj stabilnaści, sacyjalnaha spakoju i ekanamičnaha raźvićcia. Kraina vielmi pryhožaja, čystaja. Pry źmienie situacyi ŭ rehijonie Biełaruś zachoŭvaje spakoj i stabilnaść. Jana zastajecca vostravam stabilnaści va Uschodniaj Jeŭropie», — zajaviŭ Cuj Cymin.
Pasoł Kitaja nazvaŭ prezidenckija vybary, što projduć u Biełarusi 11 kastryčnika, najvažniejšaj palityčnaj padziejaj u žyćci krainy. «Dumaju, što vaša kraina i vašy ludzi zmohuć zrabić pravilny vybar dla dalejšaha dabrabytu», — zaznačyŭ dypłamat.
Kamientary