Ułada9494

Instrukcyi trolam pastupajuć z BRSM SKRYNŠOTY

Čytačy dasłali «Našaj Nivie» kopii elektronnych listoŭ ź Viciebskaha abkama Biełaruskaha respublikanskaha sajuza moładzi. U ich štatnym supracoŭnikam miascovych arhanizacyj BRSM dajucca instrukcyi, jakija kamienty raźmiaščać pad tymi ci inšymi artykułami ŭ biełaruskich ŚMI.

U hetym liście havorka idzie pra artykuł «Statkievič pravioŭ pikiet u centry Minska z patrabavańniem svabodnych vybaraŭ ANŁAJN».

Hetyja instrukcyi całkam supadajuć z tym, što nazirałasia ŭ abmierkavańni dadzienych temaŭ na NN (hladzi kamienty da jaho). Źviarnicie ŭvahu, što padzieja adbyłasia 10-ha, tady ž źjaviŭsia artykuł. Ale načalstva ŭ BRSM maje 8-hadzinny pracoŭny dzień. Tamu instrukcyja razyšłasia 11-ha, i mienavita z 11-ha ŭ «Našaj Nivie» i na Tut.bai źjaŭlajucca paznavalna-šabłonnyja kamienty «Antona», «Ałły», «Julii», «Alesia».

Tut vy možacie pabačyć vybarku typovych kamientaŭ trolaŭ da hetaha artykuła.

Imavierna, što fabryki trolaŭ BRSM, anałahičnyja viciebskaj, dziejničajuć i ź inšych abłaściej Biełarusi. U kahości z trolaŭ mianuška «Bieraściejec», u kahości — «Vasil Ašmiany».

Akramia «Našaj Nivy», u poli dziejańnia trolaŭ taksama inšyja papularnyja resursy.

Pikiet Statkieviča z patrabavańniem svabodnych vybaraŭ trolam BRSM zahadvali beścić. A voś prahramu Alaksandra Łukašenki pradpisvałasia raschvalvać: «I ja dumaju, što nikomu nie treba tłumačyć, što hety artykuł — ASABLIVY».

Z arfahrafijaj i punktuacyjaj u abkamie BRSM nie družać.

Ad zvyčajnaha čytača sa svaimi pohladami trola adroźnivaje najaŭnaść «pasyłaŭ» — instrukcyj. I zarobki na štatnych pasadach.

«Pa hetych kamientarach patrebny skrynšoty» — vialikimi litarami nahadvaje piśmo z abkama BRSM. Načalstva na daviery nie pracuje. Patrebny dakumientalnyja paćvierdžańni dziejnaści.

Pieršyja vyniki svajoj dziejnaści trolam treba dasłać uviečary, a paśla paŭtaryć kamienty ŭranku.

Sapraŭdy, kali zirnuć adpaviednyja artykuły, možna pabačyć identyčnyja kamienty ŭviečary i ŭranku. Trolam niavažna, jak vyhladaje hety cyrk, hałoŭnaje — kolkaść.

Voś čamu troli šalejuć, kali ich kamienty vydalajucca jak płatny spam — im niama mahčymaści adspravazdačycca.

Čutki pra toje, što BRSM mabilizuje płatnych kamientataraŭ dla stvareńnia ŭ internecie ŭražańnia bolšaści, chadzili daŭno. Adnak dziakujučy našym čytačam ź Viciebskaj vobłaści ŭdałosia zdabyć dakumientalnaje paćvierdžańnie hetamu.

Kali b takaja dziejnaść sychodziła ad pryvatnaj struktury, jaje možna było b ličyć nieetyčnaj. Ale tut havorka pra Biełaruski respublikanski sajuz moładzi, jaki atrymlivaje vialikaje dziaržaŭnaje finansavańnie. Adpaviedna, heta pavinna być arhanizacyja, jakaja słužyć usiamu hramadstvu. Adnak, atrymlivajučy dziaržaŭnyja srodki, jon źjaŭlajecca arhanizacyjaj adnoj palityčnaj siły, adnaho palityka.

Ideołahi takoha padychodu prykryvajucca tym, što «jany pravodziać dziaržaŭnuju liniju». Adnak što «dziaržaŭnaha» ŭ rabocie na adnaho kandydata ŭ prezidenta suprać druhich kandydataŭ u prezidenty? Što heta, kali nie złoŭžyvańnie ŭładaj, vykarystańnie dziaržaŭnych hrošaj u pryvatnych metach?

Čytajcie jašče:

«Posłušajtie, da nie dieńhi hłavnoje!», «Da — rastiet, no vsie po-čiestnomu!» 

Što pišuć troli pra novuju devalvacyju biełaruskaha rubla?

Troli nie supakojvajucca pad repartažam pra pikiet Statkieviča — što pišuć

Kamientary94

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Usie naviny →
Usie naviny

Va Ukrainie 10-hadovy chłopčyk zhvałciŭ svaju 7-hadovuju siabroŭku, tamu što chacieŭ paŭtaryć «darosły film»10

«Začyni vokny i ŭklučy haz». Dzieciam Homielskaj vobłaści prychodziać niebiaśpiečnyja paviedamleńni ad imia viadomaha błohiera3

«Časam prychodzicca navat załazić u śmietnicu». Vałanciory ź Minska raskazali, jak ratujuć z vulicy chatnich pacukoŭ4

Uśled za premjer-ministram Indyi ministr abarony krainy taksama nie pajedzie na parad u Maskvu5

U Hrodnie Pałac tekstylščykaŭ pieratvaryli ŭ Rejchstah27

Raman Pratasievič raskazaŭ, jakuju novuju prafiesiju płanuje atrymać najbližejšym časam23

«Heta nie płan miru, a teatr». Zialenski adchiliŭ prapanovu Rasii pra trochdzionnaje pieramirje8

Vykładčyku BDU zaprasili ŭ Azierbajdžanie 19 hadoŭ źniavoleńnia14

Novaja mikrachvalevaja sistema abiasškodžvaje rai dronaŭ za siekundy7

bolš čytanych navin
bolš łajkanych navin

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt

Hałoŭnaje
Usie naviny →

Zaŭvaha:

 

 

 

 

Zakryć Paviedamić