22 vieraśnia sud Śvietłahorskaha rajona vynies pryhavor u dačynieńni da 30-hadovaha miascovaha žychara, jaki ŭ mai 2015 hoda napaŭ z nažom na taksista. Biespracoŭny raniej nie sudzimy žychar rajcentra pryhavorany da čatyroch hadoŭ pazbaŭleńnia voli, u suviazi z amnistyjaj termin adbyćcia pakarańnia źmienšany na hod.
Jak paviedamlaje Homielski abłasny sud, žychar Śvietłahorska abvinavačvaŭsia va ŭčynieńni asabliva złosnaha chulihanstva (častka 3 artykuła 339 KK). 25 maja jon, budučy ŭ stanie ałkaholnaha apjanieńnia, sieŭ u taksi i abiacaŭ kiroŭcu, što za prajezd zapłacić siastra, jakaja čakaje jaho kala adnaho z damoŭ Śvietłahorska.
Kiroŭca taksi, kali pryvioz pasažyra na miesca, zapatrabavaŭ apłacić prajezd. Siastry kala padjezda nie było, i pasažyr adpraviŭsia za hrašyma. Kali viarnuŭsia, sieŭ na zadniaje siadzieńnie i paprasiŭ taksista pačakać dziaŭčynu, a zatym nakinuŭsia na kiroŭcu z nažom. Taksist paśpieŭ pierachapić nož i nacisnuć knopku vykliku dyśpietčara. Da jaho na dapamohu prybyli kalehi, a zatym i milicyja.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary