Biełaruski Dziaržstandart zabrakavaŭ Original Marines i S. Oliver

Z 25 vieraśnia Dziaržstandartam Biełarusi zabaronieny ŭvoz i prodaž na terytoryi krainy niekalkich pazicyj suśvietnych brendaŭ Original Marines i S. Oliver. Upieršyniu ŭ centry jaho ŭvahi akazalisia brendy, čyj košt vymiarajecca miljonami dalaraŭ.

U pryvatnaści, u rejestr niebiaśpiečnaj pradukcyi, zabaronienaj da ŭvozu i abaračeńnia na terytoryi Biełarusi, uklučanyja šviejnyja i trykatažnyja vyraby dla dziaciej i padletkaŭ italjanskaj firmy IMAP Echport (brend Original Marines), vyrablenyja ŭ Bałharyi i Kitai, a taksama mužčynskija i žanočyja ramiani ad niamieckaj kampanii s. Oliver Bernd Freier.

U vypadku ź italjanskaj adzieńniem vyjaŭlena, što jana nie adpaviadaje techničnamu rehłamientu Mytnaha sajuza pa hihraskapičnaści ŭ šviejnych i trykatažnych vyrabach dla dziaciej (0,8—2,3% pry normie nie mienš za 8% dla šviejnych vyrabaŭ i nie mienš za 6% dla trykatažnych vyrabaŭ) i pry hetym u joj prysutničajuć niedapuščalnyja sintetyčnyja vałokny ŭ składzie syraviny bializnavych vyrabaŭ dla dziaciej da hoda (95% — bavoŭna, 5% — ełastan). Niamieckija ramiani ŭ svaju čarhu nie adpaviadajuć patrabavańniam inšaha techničnaha rehłamientu pa ŭstojlivaści afarboŭki da suchoha i mokraha treńnia.

Realizacyjaj pradukcyi pad hetymi brendami ŭ Biełarusi zajmajecca kampanija «RapaTorh-fešn» — padraździaleńnie hrupy kampanij Green, jakaja taksama raźvivaje pad kiraŭnictvam Hienadzia Kirejkava sietku charčovych kramaŭ Green. U handlovym centry «Skała» ŭ lipieni minułaha hoda hrupaj uračysta byli adkryty dźvie pieršyja ŭ Biełarusi kramy pad markami Original Marines i S. Oliver.

Kala tydnia tamu namieśnik staršyni Dziaržstandartu Siarhiej Iŭleŭ raspavioŭ, što z momantu pačatku ažyćciaŭleńnia viedamstvam kantrolu za vykanańniem techničnych rehłamientaŭ Mytnaha sajuza (z 1 lipienia 2015 h.) zabaronienaja realizacyja nie adpaviednaj patrabavańniam pradukcyi na sumu kala 12 młrd rubloŭ.

«My ciapier majem prava zabaraniać uvoz niebiaśpiečnaj pradukcyi na terytoryi našaj respubliki, vydavać zahady ab kanfiskacyi z abaračeńnia ŭsiaho tavaru, jaki nie adpaviadaje abaviazkovym patrabavańniam, a taksama prymać miery pa spynieńni dziejańnia dakumientaŭ ab acency adpaviednaści na terytoryi našaj krainy na takuju pradukcyju. Heta vielmi surjoznyja miery, jakimi my siońnia karystajemsia», — padkreśliŭ pradstaŭnik Dziaržstandartu.

• 0
• 0
• 0
• 0
• 0
• 0
• 0
• 0