Pra dalar, tańniejšy za try rubli, možna zabycca? Što adbyvajecca z kursam
Pa vynikach tarhoŭ dalar staŭ kaštavać daražej za try rubli. Ci varta biehčy ŭ abmieńnik?
Rasijski ŭpłyŭ
Dalar pa vynikach tarhoŭ na Biełaruskaj valutna-fondavaj biržy padniaŭsia da 3,0198 biełaruskaha rubla. Jeŭra taksama padaražeŭ, a rasijski rubiel, naadvarot, patańnieŭ amal na 1%.
Ekśpiert BEROC Anastasija Łuzhina nazyvaje pasłableńnie nacyjanalnaj valuty da dalara i jeŭra čakanaj padziejaj.
«Na dadzienaje źmianieńnie kursu biełaruskaha rubla akazvaje ŭpłyŭ rasijski rubiel, a kali być dakładniej — situacyja ŭ manietarnaj sistemie Rasijskaj Fiederacyi. Centrabank RF źniziŭ klučavuju staŭku z 20 da 18%, što, biezumoŭna, paŭpłyvała na dynamiku rasijskaj valuty», — tłumačyć ekśpiert.
Takim čynam, kurs rasijskaha rubla pačynaje źnižacca, što ŭ vyniku adbivajecca i na kursie biełaruskaha rubla.
Inšych surjoznych faktaraŭ Łuzhina nie naziraje.
«Na kurs mahli b paŭpłyvać niejkija istotnyja źmieny ŭ źniešnim handli, ale kazać pra hety faktar rana. Mierkavać pra heta možna budzie, kali źjaviacca danyja ab kupli-prodažy valuty za lipień.
Vierahodniej za ŭsio, pakul na kurs biełaruskaha rubla budzie praciahvać akazvać upłyŭ situacyja, jakaja adbyvajecca na rasijskim valutnym rynku».
Pry hetym ekanamist zaŭvažaje, što ŭ Rasii zacikaŭlenyja ŭ tym, kab rubiel patańnieŭ.
«Ekśpierty nie raz adznačali, što apošnim časam rasijski rubiel zanadta mocna ŭmacavaŭsia ŭ dačynieńni da dalara ZŠA. Tamu ŭ Rasii nie suprać taho, kab rubiel patańnieŭ», — miarkuje Łuzhina.
Na pačatku hoda dalar kaštavaŭ kala 113 rasijskich rubloŭ, a ŭžo letam apuściŭsia da 78.
Akramia metanakiravanych dziejańniaŭ Centrabanka RF, ekanamist vyłučaje źmieny ŭ źniešnim handli RF, jakija taksama mohuć paŭpłyvać na źmianieńnie kursu.
Ci varta biehčy ŭ abmieńnik?
Ekśpiert ličyć, što najbližejšym časam biełaruski rubiel moža tańnieć adnosna dalara i jeŭra, ale rezkich skačkoŭ čakać nie varta.
«Rezkich vahańniaŭ pry hetym być nie pavinna, pakolki jany, jak my bačyli ŭ apošnija hady, išli za niejkimi rezkimi źmienami ŭ hieapalityčnaj situacyi. Ekanamičnyja faktary, u svaju čarhu, akazvajuć pastupovy ŭpłyŭ na kursy valut», — adznačaje Anastasija Łuzhina.
Ciapier čytajuć
Zołkin pra Babaryku i Kaleśnikavu: Heta biełahvardziejskaja apazicyja, jak i Jašyn, i Kara-Murza13
Kamientary
skoki == plaska, taniec