Ukazam prezidenta vyznačany paradak zasialeńnia hramadzian u pabudavanyja žyłyja damy
Alaksandr Łukašenka padpisaŭ ukaz № 400, jaki vyznačaje paradak zasialeńnia hramadzian u pabudavanyja žyłyja damy, zabiaśpiečvaje zahruzku i pavyšaje efiektyŭnaść pracy arhanizacyj bujnapanelnaha domabudavańnia, paviedamiła pres-słužba prezidenta.
Dakumient unosić dapaŭnieńni va ŭkaz № 26 «Ab mierach pa ŭdaskanaleńni budaŭničaj dziejnaści» ad 14 studzienia 2014 hoda. Vyznačajucca ŭmovy, pry adnačasovym vykanańni jakich hramadzianin ličycca zasielenym u žyłoje pamiaškańnie: atrymańnie klučoŭ ad kvatery; zabieśpiačeńnie dostupu i mahčymaści karystańnia joju pa pryznačeńni; adsutnaść zaŭvah pa jakaści vykananych rabot.
Uvodziacca narmatyŭnyja pradpisańni dla zamoŭnikaŭ, zabudoŭščykaŭ pa zabieśpiačeńni ŭmoŭ dla zasialeńnia hramadzian u miesiačny termin z dnia zaćviardžeńnia akta pryjomki šmatkvaternaha žyłoha doma ŭ ekspłuatacyju.
Praduhledžanyja taksama źmieny va ŭkaz № 263 «Ab dolevym budaŭnictvie abjektaŭ u Respublicy Biełaruś» ad 6 červienia 2013 hoda. U pryvatnaści terminy pieradačy dolščyku kančatkovaha raźliku koštu abjekta dolevaha budaŭnictva i dakumientaŭ dla dziaržrehistracyi prava ŭłasnaści na pabudavany abjekt skaračajucca z adnaho kalandarnaha miesiaca da dvaccaci piaci kalandarnych dzion i da dvuch dzion adpaviedna.
Aprača taho, praduhledžvajecca, što dolščyku, jaki poŭnaściu vypłaciŭ canu abjekta, abjekt budzie pieradavacca niezaležna ad najaŭnaści inšych dolščykaŭ, jakija majuć zapazyčanaść pierad zabudoŭščykam.
Dapaŭnieńni ŭnosiacca i va ŭkaz № 667 «Ab kanfiskacyi i pradastaŭleńni ziamielnych učastkaŭ» ad 27 śniežnia 2007 hoda. Dapaŭnieńni tyčacca vydzialeńnia arhanizacyjam bujnapanelnaha domabudavańnia ŭčastkaŭ dla budaŭnictva šmatkvaternych žyłych damoŭ u Minsku i abłasnych centrach biez praviadzieńnia aŭkcyjonaŭ.
Ukaz № 400 nabudzie moc praz try miesiacy paśla jaho aficyjnaha apublikavańnia.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos32
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1717
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes17
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary