Paŭnočny viecier pryniasie ŭ Biełaruś načnyja zamarazki i tempieraturu nižej za normu
Na nastupnym tydni budzie pieravažać chałodnaje z načnymi zamarazkami i paŭnočnymi viatrami nadvorje. Siaredniaja tempieratura budzie na 1—3 hradusy nižej za normu.
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
Daždžoŭ čakajecca nie šmat, pieravažna pa paŭnočnym uschodzie krainy.
U aŭtorak, 29 vieraśnia, nočču pieravažna biez apadkaŭ, dniom miescami nievialikija karotkačasovyja daždžy. Nočču i ranicaj u asobnych rajonach słaby tuman. Tempieratura pavietra minimalnaja nočču 2 + 8°S, na hlebie miescami słabyja zamarazki da 0 — -2°S, maksimalnaja tempieratura dniom + 8 + 14°S.
U sieradu taksama biez apadkaŭ. Nočču i ranicaj miescami słaby tuman. Tempieratura pavietra minimalnaja nočču 1 — + 7°S, u asobnych rajonach słabyja zamarazki da 0 — -2°S; maksimalnaja tempieratura dniom 8 — +13°S.
U čaćvier, 1 kastryčnika, karotkačasovyja daždžy mahčymyja tolki ranicaj i dniom pa paŭnočnym uschodzie Viciebskaj vobłaści. Nočču i ranicaj u asobnych rajonach słaby tuman. Tempieratura pavietra minimalnaja nočču 1 — +6°S, na hlebie i miescami ŭ pavietry zamarazki da 0 — -4°S; maksimalnaja tempieratura dniom 8 — + 15°S.
U piatnicu pa paŭnočnym uschodzie krainy miescami karotkačasovyja daždžy. Nočču i ranicaj u asobnych rajonach tuman. Tempieratura pavietra minimalnaja nočču 1 — +8°S, u asobnych rajonach mahčymyja zamarazki da 0 — -3°S; maksimalnaja tempieratura dniom 9 — + 16°S.
Da vychodnych, abiacajuć sinoptyki, trochi paciapleje i ŭstalujecca bolš kamfortnaje nadvorje.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia3
Kamientary