USK pa Bresckaj vobłaści zavieršana rasśledavańnie kryminalnaj spravy ab najeździe aŭtamabila na turystyčny namiot, u vyniku jakoha zahinuła dziaŭčyna, paviedamlaje pres-słužba Śledčaha kamiteta.
Padčas śledstva ŭstanoŭlena, što 25 lipienia, kala 6 hadziny ranicy, na bierazie vadajoma kala v. Amnievičy Baranavickaha rajona aŭtamabilem «Volva S40» byŭ učynieny najezd na turystyčny namiot. U joj u toj momant znachodziłasia 21-hadovaja ŭradženka Hancavičaŭ, jakaja ad atrymanych cialesnych paškodžańniaŭ pamierła na miescy.
Pa dadzienym fakcie Baranavicki mižrajonny adździeł Śledčaha kamiteta zavioŭ u dačynieńni da 26-hadovaha kiroŭcy kryminalnuju spravu pa č. 4 art. 317 (parušeńnie praviłaŭ darožnaha ruchu asobaj, jakaja kiravała transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć čałavieka) Kryminalnaha kodeksa. Da jaho ŭžyli mieru strymańnia ŭ vyhladzie źmiaščeńnia pad vartu i pradjavili abvinavačvańnie. Dalejšuju vytvorčaść papiaredniaha rasśledavańnia ažyćciaŭlała USK pa Bresckaj vobłaści.
Pavodle dadzienych papiaredniaha rasśledavańnia, napiaredadni kampanija maładych ludziej vyrašyła adpačyć na terytoryi rekultyvanaha karjera.
Padśledny, jaki pracavaŭ kiroŭcam-ekśpiedytaram u adnym z pryvatnych handlovych pradpryjemstvaŭ, pryjechaŭ tudy razam sa svajoj žonkaj. Zahinułaja źjaŭlałasia dziaŭčynaj jaho stryječnaha brata. Abvinavačany asabista dapamahaŭ im stavić namiot dla načlehu. Zatym, na praciahu nočy ŭsie mužčyny za stałom pili.
Kali raźvidnieła, da ich padyšli dziaŭčaty.
U hety čas padśledny vyrašyŭ pierastavić svoj transpartny srodak bližej da vyjezdu z voziera. Pry hetym jon znachodziŭsia ŭ stanie ałkaholnaha apjanieńnia i ŭsiu noč nie spaŭ. Praviedzieny ahlad vyjaviŭ u jaho kryvi kancentracyju etyłavaha śpirtu ŭ kolkaści 1,6 pramile.
Ź jaho słoŭ, z pryčyny zatarmožanaści stanu jon nie zmoh pravilna acanić darožnuju abstanoŭku. Pačaŭšy ruch u kirunku naturalnaha ŭzdymu, jon mocna nacisnuŭ na piedal hazu. U vyniku hetaha na značnaj chutkaści jon pierajechaŭ vohnišča i pieradam ažyćciaviŭ najezd na turystyčny namiot. Prajechaŭšy jašče 27 mietraŭ, jon spyniŭsia.
Abvinavačany, jak vynikaje z pakazańniaŭ, nie źviarnuŭ uvahu, što la stała znachodzilisia nie ŭsie. Taksama jon nie dumaŭ, što paciarpiełaja ŭ momant najezdu znachodziłasia ŭ namiocie.
U zroblenym svaju vinu padśledny całkam pryznaŭ. Materyjały kryminalnaj spravy nakiravanyja ŭ sud dla razhladu.
Kamientary