Sakratar Centrvybarkama Mikałaj Łazavik paviedamiŭ Jeŭraradyjo, što ŭ zakanadaŭstvie nie praduhledžanaja pieradača televystupaŭ ad adnych kandydataŭ u prezidenty druhim. Tak jon prakamientavaŭ prośbu, jakuju pieradaŭ u CVK štab Taćciany Karatkievič.
Jak paviedamlałasia raniej, 25 vieraśnia ŭ Žłobinie Alaksandr Łukašenka zajaviŭ, što jamu nie patrebny čas na televystupy kandydataŭ u prezidenty. Jon zajaviŭ, što hety čas mohuć vykarystoŭvać inšyja kandydaty, kali pažadajuć. Štab kandydatki Taćciany Karatkievič padaŭ u CVK prośb upieradać joj nievykarystany kandydatam Łukašenkam efirny čas. Razam z tym štab Karatkievič hatovy padzialić hadzinu teleefiru ź inšymi kandydatami.
Jeŭraradyjo spytałasia ŭ Mikałaja Łazavika, ci moža kandydatka spadziavacca na stanoŭčaje rašeńnie CVK.
«Ja dumaju, tut najpierš treba, kab Alaksandr Ryhoravič paćvierdziŭ svoj namier pieradać kamuści hety čas. Heta jamu vyłučana. I kali jon vyrašyŭ padaravać jaho kamuści… Chacia pavodle zakonu heta nie praduhledžana — jon sam pavinien vystupać».
Sakratar CVK nahadaŭ, što čas na televizii dajecca dla pradstaŭleńnia svajoj pieradvybarčaj prahramy. I ŭ hety čas kandydat nie maje prava navat vystavić svaju davieranuju asobu — pavinien vystupać sam.
Čynoŭnik adznačyŭ, što nie hatovy adrazu adkazać, nakolki pravamierna vyhladaje takaja pieradača efirnaha času.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary