Kandydata ŭ prezidenty ad ŁDPB Siarhieja Hajdukieviča pradstaŭlaŭ namieśnik staršyni jaho partyi, syn Aleh Hajdukievič. Sam kandydat u hety dzień znachodzicca ŭ Homieli.
Hajdukievič-małodšy byŭ adzinym, chto zasiarodziŭsia na krytycy svaich apanientaŭ, aproč Łukašenki. Jon skazaŭ, što «za łozunhami Taćciany Karatkievič ab «mirnych pieramienach» chavajecca ŭsio taja ž apazicyja, jakaja choča razvalić krainu». Usich prychilnikaŭ pieramien jon zaklikaŭ hałasavać za Siarhieja Hajdukieviča. Na jahonuju dumku, Ułachovič prosta prastaŭlaje ŭładu.
«Kali vy abiarecie Karatkievič, to budzie chaos, majdan, revalucyja. U vyniku jaje samu źmiatuć. Bo jana nie zmoža pryniać nivodnaha rašeńnia».
Ułachoviču ad Hajdukieviča dastałosia za toje, što «jon zabyŭsia, što my žyviom u samastojnaj krainie». Pradstaŭnik kandydata niamała krytykavaŭ drobnych čynoŭnikaŭ, jakija nie kłapociacca ab intaresach dziaržavy. Naprykład, nie adstojvajuć biełaruskuju pradukcyju ŭ Rasii.
Aleh Hajdukievič aktyŭna zaklikaŭ vybarcaŭ prychodzić na ŭčastki 11 kastryčnika.
Poŭny zapis debataŭ možna pahladzieć tut.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)