Kandydat u prezidenty ad kampanii «Havary praŭdu» Taćciana Karatkievič była adzinaj, chto padčas siońniašnich debataŭ krychu vykarystoŭvaŭ biełaruskuju movu. Pa-biełarusku Karatkievič zadavała pytańni svaim apanientam.
Spadarynia Karatkievič skazała, što ŭ siońniašniaj ciažkoj situacyi ŭ ekanomicy ŭłada abvinavačvaje suśvietny kryzis, ludziej, što nabyvajuć tavary za miažoj, ale tolki nie ŭłasnaje biaździejańnie.
Adnosna adsutnaści na debatach Alaksandra Łukašenki, jana skazała: «Jon nie choča razmaŭlać z vybarcami i sa mnoj. U našaj krainie i psichałohii źmianiłasia mnohaje, nie źmianiłasia tolki ŭłada. Jana zastałasia ŭ 90-ych, jak u tvarach, hetak i ŭ asobach».
Jana šmat havaryła pra reformy ŭ śfiery biznesa, adukacyi, miedycyny, pramysłovaści, ale biez kankretyki.
Całkam teledebaty kandydataŭ možna pahladzieć tut.
