Na hrečaskim vostravie Kos znojdziena cieła dziciaci-mihranta, jakoje dasiahnuła krajniaj stupieni raskładańnia. Pa słovach pradstaŭnika bierahavoj achovy, cieła dziciaci, chutčej za ŭsio chłopčyka va ŭzroście 6-12 miesiacaŭ, vyniesła na bierah pablizu adnoj z haścinic.
Pradstaŭniki bierahavoj achovy nie nazvali nacyjanalnaść dziciaci, jakoje było apranutaje pry žyćci ŭ zialonyja štoniki i biełuju futbołku.
Kos stanovicca miescam, kudy imknucca trapić praz Ehiejskaje mora dziesiatki tysiač mihrantaŭ i biežancaŭ, kab praciahnuć dalej svoj šlach uhłyb Jeŭropy. Vychadcy ź Siryi, Afhanistana i Iraka sprabujuć pierasiekčy karotkuju, ale vielmi niebiaśpiečnuju adlehłaść moram, choć viedajuć ab mahčymaści štarmoŭ i ryzyku hibieli.
Miesiac tamu ŭ sacsietkach źjavilisia šakavalnyja zdymki patanułaha chłopčyka, čyjo cieła akazałasia na plažy ŭ tureckim Badrum. Trochhadovy Ałan Kurdziŭ płyŭ ź siamjoj z Turcyi ŭ Hrecyju na vostraŭ Kos, adnak nočču dźvie łodki z 23 biežancami pierakulilisia.
Śmierć Ałana Kurdzi pryciahnuła ŭvahu suśvietnaj hramadskaści da losaŭ siemjaŭ mihrantaŭ.
U hetym hodzie na bierahi Hrecyi vysadziłasia amal 400 tysiač čałaviek, paviedamiła ŭ piatnicu Upraŭleńnie Viarchoŭnaha kamisara AAN pa spravach biežancaŭ. Bolšaść ź ich nakiravałasia ŭ Hiermaniju.
Premjer-ministr Hrecyi Aleksis Cypras paznačyŭ prablemu mihrantaŭ jak hałoŭnuju ŭ prahramie dziejańniaŭ svajho niadaŭna znoŭ abranaha ŭrada. Jon abmierkavaŭ jaje taksama ŭ subotnim telefonnaj razmovie z kancleram Hiermanii Anhiełaj Mierkiel i aŭstryjskim kancleram Viernieram Fajmanam.
USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ4
Kamientary