Staršynia učastkovaj vybarčaj kamisii №126 Valeryj Tałkačoŭ nazvaŭ nieracyjanalnym padlik hałasoŭ ŭsłych z demanstracyjaj biuleteniaŭ naziralnikam.
Jak paviedamiŭ staršynia Mahiloŭskaj abłasnoj arhanizacyi AHP Uładzimir Šancaŭ, jaho dačka Ludmiła Šancava, akredytavanaja naziralnikam na ŭčastku №126, jaki znachodzicca ŭ SŠ№37 Mahilova, źviarnułasia z prapanovaj da kiraŭnictva kamisii ažyćciaŭlać padlik hałasoŭ vybarščykaŭ usłych z demanstracyjaj kožnaha biuletenia naziralnikam.
-Padlik ažyćciaŭlać usłych z demanstracyjaj kožnaha biuletenia členam učastkovaj kamisii, naziralnikam ličym nie racyjanalnym. Pry najaŭnaści 2533 zarehistravanych vybarščykaŭ i adpaviednaj kolkaści biuleteniaŭ taki padlik zojmie zanadta šmat času, - adkazaŭ na zvarot naziralnicy staršynia učastkovaj vybarčaj kamisii Valeryj Tałkačoŭ, jaki źjaŭlajecca taksama dyrektaram škoły №37.
— Staršynia kamisii ŭłasnaručna raśpisaŭsia ŭ tym, štojon dobrasumlenna vykanać svaje abaviazki nie choča pa pryčynie taho, što heta zojmie zanadta šmat času, — zajaviŭ Uładzimir Šancaŭ. Jon adznačaje, što lubaja sprava, kali jaje rabić dobra, patrabuje šmat času.
Admova staršyni ŭčastkovaj kamisii adkryta ličyć hałasy Šancaŭ ličyć abo «lanotaj dobrasumlenna vykonvać svaje abaviazki,abo niežadańniem rabić lišniuju pracu, kali ŭsio daŭno vyrašana, a kantrolnyja ličby nie padlahajuć źmienie». Pa słovach abłasnoha lidera AHP, naziralniki adkrytaha padliku hałasoŭ «nie bačać užo 15 hadoŭ, a va ŭčastkovyja vybarčyja kamisii dapuskajuć tolki pradstaŭnikoŭ partyi ŭłady».
U kampaniju pa nazirańni za vybarami «Prava vybaru-2015» uvachodziać vosiem arhanizacyj: Biełaruskaja sacyjał-demakratyčnaja partyja (Hramada), Biełaruskaja Chryścijanskaja Demakratyja, «Havary praŭdu!», «Ruch «Za Svabodu!», Partyja BNF, Biełaruskaja partyja «Zialonyja», niezaležny prafsajuz Radyjoelektronnaj pramysłovaści, arhkamitet Partyi Svabody i prahresa.
Hałoŭnaj metaj kampanii źjaŭlajecca abarona sapraŭdnaha volevyjaŭleńnia hramadzianaŭ praz praduchileńnie parušeńniaŭ zakanadaŭstva na ŭsich stadyjach vybarčaj kampanii, fiksacyju parušeńniaŭ i apieratyŭnaje reahavańnie na ich.
