U Talinie adbyŭsia mitynh suprać namieru ŭładaŭ respubliki pryniać u krainie mihrantaŭ z Afryki i ź Blizkaha Uschodu. Na akcyju pryjšli kala tysiačy čałaviek, paviedamlaje delfi.ee.
Spačatku pratestoŭcy sabralisia kala budynka pasolstva Hiermanii i razharnuli płakaty z łozunhami na niamieckaj movie, adrasavanymi kancleru Hiermanii Anhiele Mierkiel: «Ty nie spravišsia z hetym, žančyna!», «Tut nie tvaja ziamla, žančyna!».
Zatym udzielniki akcyi adpravilisia da parłamienta Estonii, dzie praviali mitynh pad łozunhami «My nie chočam biežancaŭ», «Estonija da hetaha nie hatovaja», «Miažu — pad kantrol!». Padčas praviadzieńnia mierapryjemstva aktyvisty pačali źbirać podpisy pad pietycyjaj suprać pryjomu biežancaŭ.
Arhanizatarami akcyi vystupili fond «Jeŭrapiejski nacyjanalny front», Kansiervatyŭnaja narodnaja partyja Estonii, a taksama Partyja narodnaha adzinstva.
Niahledziačy na toje, što dziaržavy Bałtyi prymuć usiaho pa niekalki sotniaŭ biežancaŭ, pieravažnaja častka nasielnictva Estonii, Łatvii i Litvy nie padtrymlivaje raźmiaščeńnie mihrantaŭ u svaich krainach, bačačy ŭ ich pahrozu rostu złačynnaści, relihijnaha ekstremizmu i pačatku treńniaŭ z-za etnakulturnych adroźnieńniaŭ.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary