Havorka nie idzie pra ŭviadzieńnia kantrolu, cenzury, zapeŭnivaje jon u interviju BIEŁTA.
Ministar infarmacyi Ŭładzimier Rusakievič paviedamiŭ u interviju BIEŁTA, što mižviedamasnaja kamisija padrychtavała prajekt ukazu, jaki budzie rehulavać internet-sferu ŭ Biełarusi.
«Było b naiŭna sprabavać nakinuć vuzdu na Suśvietnaje sieciva, — kaža ministar. — Havorka nie idzie pra ŭviadzieńnie kantrolu, cenzury. Dakument zamacoŭvaje zajaŭny pryncyp rehistracyi internet-vydańnia, ci to sajt hazety, časopisu, inšy infarmacyjny resurs, što vykonvaje rolu srodku masavaj infarmacyi. Heta nie datyčyć sajtaŭ dziaržaŭnych orhanaŭ ci jakija pašyrajuć infarmacyju pra tavary. Tym samym rehulavańnie zaklučajecca ŭ rehistracyi sieciŭnaha resursu jak samastojnaha ŚMI, jaki maje takija ž pravy, jak drukavanyja ŚMI i telebačańnie. U vyniku budzie vyrašanaje pytańnie pra adkaznaść, prablema zachavańnia aŭtarskich pravoŭ u internet-vydańniach. Siońnia za źmiaščeńnie infarmacyi biez spasyłki na krynicu, paprostu kažučy kradziež, niama jak pryciahnuć da adkazu, bo ŭ zakanadaŭstvie niama paniaćcia «internet-ŚMI». Zajaŭny pryncyp rehistracyi — naš pieršy krok. Z raźvićciom u śviecie praŭnych pałažeńniaŭ budzie karektavacca zakanadaŭčaja baza ŭ hetaj halinie».
Kamientary