Upraŭleńnie Viarchoŭnaha kamisara AAN pa pravach čałavieka vystupaje z krytykaj uładaŭ Čechii za sistematyčnaje parušeńnie pravoŭ mihrantaŭ i za ŭtrymańnie ich u haniebnych umovach.
Jak paviedamiŭ kiraŭnik upraŭleńnia Zejd Raad al-Chusejn, biežancaŭ zatrymlivajuć na terytoryi krainy na termin da 90 dzion i kanfiskoŭvajuć u ich hrošy, kab apłacić ich ułasnaje ŭtrymańnie.
Kamisar taksama zajaviŭ, što AAN ustryvožany isłamafobskimi vykazvańniami prezidenta Čechii Miłaša Zemana.
Miž tym, pradstaŭnik Zemana paviedamiŭ, što kiraŭnik dziaržavy maje namier prytrymlivacca svajoj pazicyi.
«Prezident daŭno papiaredžvaŭ pra pahrozu isłamskaha fundamientalizmu. Heta jaho mierkavańnie, i jon nie budzie mianiać jaho pad ciskam z-za miažy», — skazaŭ jon
Napiaredadni mihranty, jakija pražyvajuć u Słavienii — u časovym namiotavym łahiery ŭ Brežycach — spalili jaho ŭ znak pratestu suprać dziejańniaŭ uładaŭ, jakija, na ich dumku, zanadta pavolna viaduć rehistracyju prybyłych i ich transparciroŭku na miažu z Aŭstryjaj.
Na minułym tydni Vienhryja zakryła miažu ź Sierbijaj i Charvatyjaj i admoviłasia prapuskać mihrantaŭ tranzitam praz svaju terytoryju ź mierkavańniaŭ biaśpieki.
