Упраўленне Вярхоўнага камісара ААН па правах чалавека выступае з крытыкай уладаў Чэхіі за сістэматычнае парушэнне правоў мігрантаў і за ўтрыманне іх у ганебных умовах.
Як паведаміў кіраўнік упраўлення Зэйд Раад аль-Хусэйн, бежанцаў затрымліваюць на тэрыторыі краіны на тэрмін да 90 дзён і канфіскоўваюць у іх грошы, каб аплаціць іх уласнае ўтрыманне.
Камісар таксама заявіў, што ААН устрывожаны ісламафобскімі выказваннямі прэзідэнта Чэхіі Мілаша Зэмана.
Між тым, прадстаўнік Зэмана паведаміў, што кіраўнік дзяржавы мае намер прытрымлівацца сваёй пазіцыі.
«Прэзідэнт даўно папярэджваў пра пагрозу ісламскага фундаменталізму. Гэта яго меркаванне, і ён не будзе мяняць яго пад ціскам з-за мяжы», — сказаў ён
Напярэдадні мігранты, якія пражываюць у Славеніі — у часовым намётавым лагеры ў Брэжыцах — спалілі яго ў знак пратэсту супраць дзеянняў уладаў, якія, на іх думку, занадта павольна вядуць рэгістрацыю прыбылых і іх транспарціроўку на мяжу з Аўстрыяй.
На мінулым тыдні Венгрыя закрыла мяжу з Сербіяй і Харватыяй і адмовілася прапускаць мігрантаў транзітам праз сваю тэрыторыю з меркаванняў бяспекі.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай8
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары