Lefortaŭski sud Maskvy aryštavaŭ studentku MDU Varvaru Karavułavu pa padazreńni va ŭdziele ŭ dziejnaści terarystyčnaj arhanizacyi.
Jak paviedamlajuć rasijskija infarmahienctvy, sud zadavoliŭ chadajnictva śledstva i pastanaviŭ uziać Karavułavu pad vartu da 23 śniežnia.
Raniej advakat dziaŭčyny Alaksandar Karabanaŭ paviedamiŭ, što ź jaho padabaronnaj uziali padpisku ab niavyjeździe. Padrabiaznaści spravy jon raskryvać admoviŭsia, spasłaŭšysia na padpisku pra nierazhałošvańnie.
U aŭtorak rasijskija ŚMI paviedamili pra zatrymańnie niekalkich čałaviek, jak miarkujecca, datyčnych da viarboŭki Karavułavaj u ekstremisckuju arhanizacyju «Isłamskaja dziaržava».
Pra sprobu Karavułavaj źjechać u Siryju i dałučycca da radykalnych isłamistaŭ stała viadoma ŭ kancy maja. Jana tajemna ad baćkoŭ atrymała zamiežny pašpart i palacieła ŭ Turcyju.
Na miažy ź Siryjaj dziaŭčynu zatrymali tureckija supracoŭniki Interpoła. Karavułavu departavali ŭ Rasiju.
Paśla pieršych dopytaŭ pravaachoŭnyja orhany vyrašyli nie raspačynać u jaje dačynieńni kryminalnuju spravu.