U Vienie zaviaršyłasia sustreča ministraŭ zamiežnych spraŭ 19 krain pa situacyi ŭ Siryi. Z ulikam paŭhadzinnaha pierapynku jana praciahvałasia bolš za siem hadzin.
U sumiesnaj zajavie pa vynikach pieramoŭ ministry vykazalisia za praviadzieńnie sustrečy pa Siryi z udziełam pradstaŭnikoŭ urada Bašara Asada i apazicyi. Vynikam takoj sustrečy, havorycca ŭ zajavie, pavinna stać farmiravańnie novaha pierachodnaha ŭrada, jaki budzie kiravać krainaj da nastupnych vybaraŭ.
U pieramovach prymali ŭdzieł 19 delehacyj, u tym liku z Rasii, ZŠA, Saudaŭskaj Aravii, Turcyi, Irana, AAE, Katara, Iardanii, Hiermanii, Francyi, Jehipta, Italii, Vialikabrytanii, Iraka i Livana.
Paśla sustrečy dziaržsakratar ZŠA Džon Kiery zrabiŭ karotkuju zajavu, nazvaŭšy pieramovy kanstruktyŭnymi i skazaŭšy, što jon zadavoleny ich vynikam. Zatym Kiery adyjšoŭ na trochbakovuju sustreču z kiraŭnikom MZS RF Siarhiejem Łaŭrovym i śpiecpasłańnikam AAN pa Siryi Stafani de Misturaj.