Halloween (Chełoŭin, Dzień usich Śviatych) — sučasnaje śviata, jakoje uzychodzić ad tradycyj staražytnych kieltaŭ Irłandyi i Šatłandyi.
Adznačajecca 31 kastryčnika, napiaredadni Dnia ŭsich śviatych. Dzień usich śviatych tradycyjna śviatkujecca ŭ anhłamoŭnych krainach, choć aficyjnym vychadnym dniom nie źjaŭlajecca. U kancy XX stahodździa, dziakujučy hłabalizacyi, moda Chełoŭina raspaŭsiudziłasia na inšyja krainy, u tym liku i Biełaruś. Dyk što ž adbyvałasia na vulicach Minska?
Asnoŭnaja častka ludziej vyjšła ŭviečary. Voś, naprykład, kampanija chłapcoŭ i dziaŭčat rekłamujuć svoj kvest. Z hetaj raściažkaj jany prajšli pa Kastryčnickaj płoščy, i nichto ich nie spyniŭ.
A jašče na Dzień Usich Śviatych niekatoryja nie prytrymlivalisia praviłaŭ darožnaha ruchu. Voś tak chłopcy katalisia ŭ centry Minska.
Na Kastryčnickaj ludziej było niašmat. Sioleta było bolš nievialikich kampanij, čym vialikich schodak.
Navat u «Centralnym» była tolki voś adnaja takaja kampanija.
Chtości vyrašyŭ nie zahaniacca i, padjeŭšy ŭ «Maku», nadzieŭ pakunak na hałavu.
Z kožnym hodam hetamu śviata addajecca ŭsio bolš i bolš uvahi. Načnyja kłuby vykarystoŭvajuć Chełoŭin jak sposab padzarabić, a ludzi ŭsio čaściej samastojna robiać cikavyja kaściumy.
Ale samaja vialikaja kancentracyja «śviatkujučych» była na Niamizie. Ich było bačna navat zdalok.
Stolki ludziej na hetaje śviata, napeŭna, nie źbirałasia nikoli. Pieravažała, viadoma ž, moładź. Ale samaje dziŭnaje, što ŭ internecie nie było nivodnaj abviestki pra toje, što płanujecca niejki schod ci fłešmob.
VIDEAREPARTAŽ ź Niamihi:
Stolki roznakalarovych piersanažaŭ na kvadratny mietr Minska jašče nikoli nie było. Tut tabie i dziaŭčyna, abhornutaja ściaham ŁHBT.
I sumnyja ludzi ŭ žachlivych maskach, adnamu ź jakich telefanuje maci i kliča dadomu.
I biednyja studenty, jakija pryjšli na śviata ŭ chałacie.
Dy navat ludzi ŭ vajskovaj formie, jakija ciahnuli niejkuju pačvaru na łancuhach.
Kamuści było vielmi horača.
A chtości ŭvieś čas fatahrafavaŭsia z hierojami roznych filmaŭ i hulniaŭ.
Moładź pryjšła, kab urešcie rešt adciahnucca pa poŭnaj, prajavić svaju kreatyŭnaść u stvareńnie kaściumaŭ. Adbyłosia sapraŭdnaje, naturalnaje, samaarhanizavanaje śviata moładzi.
