U chłopčyka ciažkija traŭmy.
Prakuraturaj Mahiloŭskaj vobłaści raspačata kryminalnaja sprava ŭ dačynieńni da raniej nie sudzimaj 24-hadovaj žycharki Babrujska, jakaja 20 žniŭnia pa nieaściarožnaści pryčyniła ciažkija cialesnyja paškodžańni svajmu piacimiesiačnamu synu.
Jak paviedamiła staršy prakuror adździeła abłasnoj prakuratury Taćciana Burakoŭskaja, abstaviny zdareńnia stali viadomyja supracoŭnikam Babrujskaha RAUS paśla apytańnia sužyciela padazronaj. Jon raskazaŭ, što 20 žniŭnia raśpivaŭ śpirtnyja napoi razam z sužycielkaj u domie jaje baćkoŭ. Pry hetym kala 15 hadzin vyjšaŭ na kuchniu, ukałychvajučy na rukach dzicia. U hety momant na kuchniu uvajšła sužycielka, ź jakoj u jaho ŭźnik słoŭny kanflikt.
Žančyna schapiła švabru i naniesła jamu ŭdar u vobłaść śpiny.
Mužčyna ŭchiliŭsia, a ŭdar pryjšoŭsia ŭ hałavu ich małaletniaha syna. Ad udaru dziciaci była pryčynienaja zakrytaja čerapna-mazhavaja traŭma ź pierałomam kaściej čerapa, jakaja adnosicca da katehoryi ciažkich cialesnych paškodžańniaŭ.
Kryminalnaja sprava pieradadziena va ŭpraŭleńnie Śledčaha kamiteta pa Mahiloŭskaj vobłaści dla arhanizacyi praviadzieńnia papiaredniaha rasśledavańnia.
Za ŭčynienaje žančynie pahražaje da dvuch hadoŭ abmiežavańnia voli.
Ciapier čytajuć
Bieź pieśniaŭ Mieładze i ŭ formie: jak projduć vypusknyja ŭ škołach i dziciačych sadkach3
Kamientary