«Hanarusia, što budučaje pakaleńnie budzie vyvučać historyju sučasnaj Biełarusi i pa maich tekstach», — pierakananaja prapahandystka Śviatłana Isajonak.
Pra svajo zvalnieńnie Śviatłana Isajonak (paśla viasiella z synam tahačasnaj ministarki infarmacyi Lilii Ananič dziaŭčyna źmianiła proźvišča, ale praciahvała padpisvać teksty dziavočym proźviščam) raspaviała ŭ sacyjalnych sietkach.
Učora byŭ jaje apošni pracoŭny dzień: «U minułym cudoŭnyja 11 hadoŭ 10 miesiacaŭ i 14 dzion u kamandzie ź nievierahodnymi ludźmi, jakija padaryli toje, što nie kupiš ni za jakija hrošy — biascenny vopyt».
Prapahandystka vykazała spadziavańnie, što budučaje pakaleńnie budzie vyvučać historyju sučasnaj Biełarusi ŭ tym liku i pa jaje tekstach u «SB».
Jana ž z ahniom u vačach dapamahała stvarać łukašenkaŭskija naratyvy: katałasia pa čyrvona-zialonych aŭtaprabiehach, raspaviadała pra ciažki los mihrantaŭ na miažy Biełarusi i Jeŭrasajuza. A jašče razam z prapahandystam Mukavozčykam naviedvała roznyja navučalnyja ŭstanovy, kab pad čas «ZAlikovaj razmovy» ahučyć mietadyčku pra palityku i ekanomiku.
Svaje sacsietki Śviatłana taksama pieratvaryła ŭ palityčnuju ahitku. Tam jana raspaviadała, jak usim padabajecca łukašenkaŭski «Marafon adzinstva». Nie zabyvała pieryjadyčna rabić kamplimienty niaviestcy Łukašenki Hańnie Siałuk, jakaja zajmałasia arhanizacyjaj taho samaha marafonu.
Navat na fotazdymkach ź siamiejnych mierapryjemstvaŭ Śviatłana paziruje ŭ mierčy łukašenkaŭskaj kramy ź jaho cytatami.
U apošni pracoŭny dzień Śviatłana, jakaja taksama vykładaje na fakultecie žurnalistyki BDU, praviała pa redakcyi chołdynha «SB» ekskursiju dla svaich studentaŭ. Prapahandystka spadziajecca, što niechta ź ich u vyniku taksama pryjdzie pracavać tudy.
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary