Staršyniu Abjadnanaj hramadzianskaj partyi Anatola Labiedźku buduć sudzić za ŭdzieł u akcyi pamiaci achviaraŭ stalinskich represij kala budynka KDB u Minsku 29 kastryčnika.
«Ja siońnia pryjšoŭ u sud Centralnaha rajona Minska, kab atrymać kopiju rašeńnia ad 28 kastryčnika (Labiedźka byŭ aštrafavany na 9 młn rubloŭ za ŭdzieł u «Šeści nacyjanalnaha ściaha» napiaredadni prezidenckich vybaraŭ), a mnie kažuć: u vas užo pryznačany razhlad novaj spravy», — paviedamiŭ palityk.
Pavodle jaho słoŭ, pasiadžeńnie, na jakim budzie razhladacca administracyjnaja sprava ab udziele ŭ akcyi 29 kastryčnika, pryznačanaje na 10 hadzin 12 listapada. Pry hetym Labiedźka ŭdakładniŭ, što pozvu ŭ sud jon nie atrymlivaŭ i nijakim čynam jamu pra pasiadžeńnie nie paviedamlali. Bolš za toje, palityk nie padpisvaŭ pratakoł ab pravaparušeńni i nie viedaŭ pra toje, što jon składzieny supracoŭnikami milicyi.
Kamientary