Alaksandr Łukašenka hatovy słužyć narodu «da apošnich dzion, kolki jon budzie daviarać». Pra heta jon zajaviŭ 6 listapada paśla inaŭhuracyi ŭ staličnym Pałacy Niezaležnaści.
Łukašenka ličyć, što na prezidenckich vybarach hetaha hoda narod prahałasavaŭ pravilna. «Nie tamu što ja vyklučny, nie tamu što ja samy razumny. U hetaj zale dastatkova ludziej, jakija mohuć być prezidentami našaj krainy. Vy prahałasavali pravilna, tamu što, prahałasavaŭšy, my nikomu ničoha nie vinavatyja», — patłumačyŭ kiraŭnik dziaržavy.
«My nie admyvali hrošy ŭ pieradvybarnuju kampaniju, my abyšlisia kapiejkami, pravodziačy vybary. Ja nikomu nie davaŭ nijakich abiacańniaŭ ni na Uschodzie, ni na Zachadzie, ni ŭ Amierycy, ni ŭ Afrycy. My prajšli niezaležna hetyja 20 hadoŭ. Paviercie, heta najvialikšy nabytak, kali prezident pieramahaje dziakujučy narodu, kali jaho narod abiraje, kali nie adyhryvajuć roli hrošy», — padkreśliŭ Łukašenka.
Jon paraiŭ žycharam Biełarusi, asabliva moładzi, kali jany ŭ nastupnyja razy buduć hałasavać za kiraŭnika dziaržavy, pahladzieć, «jakija hrošy i ludzi za im stajać». «U mianie niama hetych ludziej i hrošaj, u mianie jość tolki vy, jość biełaruski narod», — zajaviŭ Łukašenka.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary