Ministr zamiežnych spraŭ Uładzimir Makiej paŭdzielničaŭ u zdymkach dakumientalnaha filma «Nacyjanalnaja biaśpieka. Kaeficyjent nadziejnaści». Premjera adbyłasia siońnia na telekanale «Biełaruś-1», pieradaje BIEŁTA.
«Biełaruś u Jeŭropie nikomu nie stvaraje nijakich prablem. My nie pradjaŭlajem terytaryjalnych pretenzij ni da kaho z našych susiedziaŭ, i tym bolš nikomu ź dziaržaŭ dalokaj duhi. Biełaruś źjaŭlajecca nadziejnym układčykam ŭ mižnarodnuju biaśpieku», — padkreśliŭ kiraŭnik biełaruskaha zamiežnapalityčnaha viedamstva. Pavodle jaho, Biełaruś maje mahčymaść realizoŭvać napramki palityčnaha, ekanamičnaha, humanitarnaha charaktaru, jakija vyhadnyja dla krainy.
Aŭtary filma, a heta sumiesny prajekt telekampanii «VajenTB» i analityčnaha centra ECOOM, raspaviadajuć małaviadomyja i zabytyja fakty, pryvodziać ekśpiertnyja acenki na historyju stanaŭleńnia biełaruskaj madeli nacyjanalnaj biaśpieki ŭ palityčnaj śfiery.
Asablivaści źniešniaj i ŭnutranaj palityki Biełarusi kamientujuć ministr zamiežnych spraŭ Uładzimir Makiej, načalnik Hienieralnaha štaba Uzbrojenych Sił — pieršy namieśnik ministra abarony Biełarusi hienierał-major Aleh Biełakonieŭ, namieśnik staršyni Pastajannaj kamisii pa mižnarodnych spravach i nacyjanalnaj biaśpiecy Savieta Respubliki Nacyjanalnaha schodu Ihar Marzaluk, staršynia Sajuza piśmieńnikaŭ Biełarusi Mikałaj Čarhiniec, dypłamaty, biełaruskija, rasijskija i polskija palitołahi.
Tak, Ihar Marzaluk, kamientujučy vyniki minskich sustreč «narmandskaha čaćviorki» pa situacyi na Ukrainie, adznačyŭ: «Biełaruś demanstruje svaju miralubnuju palityku. Minskija sustrečy, jakija adbylisia, dziakujučy asabistaj inicyjatyvie prezidenta Biełarusi, MZS, zacikaŭlenaści Jeŭrasajuza, pryviali da pieramirja, chaj adnosnaha. My ŭbačyli śviatło ŭ kancy tuniela». Sienatar asabliva padkreśliŭ, što sustrečy «narmandskaha čaćviorki» spryjali rostu davieru da biełaruskaj dziaržavy i ścirańniu stereatypaŭ, jakija tyražavalisia Jeŭrasajuzam na praciahu apošnich 15 hadoŭ.
«Dla majdana ŭ nas prosta niama miesca, nie pojdzie naš narod na takija dziejańni», — dadaje Mikałaj Čarhiniec.
Charaktaryzujučy pryrodu kalarovych revalucyj, kiraŭnik analityčnaha centra ECOOM Siarhiej Musijenka adznačyŭ, što «heta vajna za hałovy i rozum ludziej, heta inšy typ vajny». «Jana adbyvajecca ciapier, ale my pra heta časta zabyvajemsia. My vielmi surjozna i ŭvažliva aceńvajem situacyju ŭ śviecie. Robim vysnovy z padziej u Livii, Siryi», — skazaŭ jon.
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary