Mininfarmacyi zahadała źniščyć nakład paśmiarotnaj knihi Vitala Silickaha
U svajoj knizie palitołah paraŭnaŭ režym Słabadana Miłošaviča ŭ Juhasłavii 1990-ch i Łukašenki ŭ Biełarusi.
Ministerstva infarmacyi zahadała źniščyć nakład paśmiarotnaj knihi palitołaha Vitala Silickaha «Doŭhaja daroha ad tyranii: postkamunistyčny aŭtarytaryzm i baraćba za demakratyju ŭ Sierbii i Biełarusi».
«Tak, nakład źniščany. Źniščany na zahad ź Ministerstva infarmacyi, — paćvierdziŭ «Našaj Nivie» dyrektar drukarni «Palikraft» Fiodar Baśko. — Nam skazali, što kali hetaha nie zrobim, to typahrafiju začyniać. Zrešty, sami vinavatyja — nie hladzieli, što drukujem. Kali b ja hetuju knihu ŭbačyŭ raniej, to drukavać my jaje nie stali b».
Kniha vyjšła niekalki tydniaŭ tamu. «U vašych rukach paśmiarotnaja kniha Vitala Silickaha. Kniha, jakuju Vital nie dapisaŭ. Kniha — praciah daśledavańnia «Adkładzienaja svaboda: postkamunistyčny aŭtarytaryzm u Sierbii i Biełarusi», jakoje publikavałasia ŭ 2003 hodzie ŭ časopisie «ARCHE» i było vydadziena asobnaj knihaj u 2012 hodzie hod pa adychodzie Vitala», — pisałasia ŭ anatacyi.
U svajoj knizie Vital Silicki paraŭnaŭ režym Słabadana Miłošaviča ŭ Juhasłavii 1990-ch i Łukašenki ŭ Biełarusi. Tyraž knihi składaŭ 1000 asobnikaŭ.
Aficyjna ŭ Biełarusi dziejničaje kanstytucyjnaja norma ab svabodzie słova, a papiaredniaja cenzura zabaroniena.
Vital Silicki — palitołah, pieršy dyrektar Biełaruskaha instytuta stratehičnych daśledavańniaŭ. Jon pamior u 38 hadoŭ ad raku, kniha mieła stać paśmiarotnym pomnikam jamu.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana12
Kamientary