Suśvietnaja arhanizacyja achovy zdaroŭja (SAAZ) abviaściła, što z času apošniaha vypadku Eboły ŭ Śjera-Leone prajšło 42 dni — to bok dva inkubacyjnych pieryjady. Heta aznačaje, što ŭ krainie spynienaja pieradača virusa Eboły, paviedamlaje centr navin AAN.
Załoham pośpiechu ŭ baraćbie sa śmiarotnaj epidemijaj stali aktyŭnyja dziejańni ŭrada i samich žycharoŭ, a taksama mižnarodnaja padtrymka.
Pieršy vypadak Eboły ŭ Śjera-Leone byŭ zarehistravany ŭ mai 2014 hoda. Z tych časoŭ było infikavana 8704 čałavieki, 3589 chvorych pamierli, u ich liku 221 miedrabotnik. Situacyja ŭ Śjera-Leone na praciahu troch miesiacaŭ znachodzicca pad pavyšanym nahladam, hetaja faza praciahniecca da 5 lutaha 2016 hoda.
U SAAZ zajavili, što pieramahčy biesprecedentnuju epidemiju atrymałasia dziakujučy ŭpartaj pracy ŭrada i naroda krainy. Ekśpierty ličać, što klučavym elemientam u baraćbie z Ebołaj stała ŭciahnutaść miascovych supołak i razhortvańnie hrup chutkaha reahavańnia. Pry dapamozie mižnarodnaj supolnaści ŭdałosia apieratyŭna adsočvać i vyjaŭlać novyja vypadki zachvorvańnia i kantakty chvorych, takim čynam pieraryvajučy łancuh pieradačy virusa.
U SAAZ zaklikali nie zabyvać ab 4 tysiačach śjera-leoncaŭ, jakija pierachvareli na Ebołu. Mnohija ź ich majuć prablemy sa zdaroŭjem i majuć patrebu ŭ dapamozie.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary