11 listapada 2015 hoda ŭ Dzień niezaležnaści Polščy centr Varšavy čarhovy raz byŭ u dymu ad fajeraŭ. Marš Niezaležnaści prajšoŭ pad łozunham «Polšča dla palakaŭ, palaki dla Polščy». U rozny čas na maršy znachodzilisia ad 35 da 100 tysiač čałaviek, pa padlikach palicyi — 70 tysiač.
Marš prajšoŭ davoli spakojna ŭ paraŭnańni ź minułymi hadami.
Ale možna było ŭbačyć voś takija raściažki:
«Vitajem ŭ piekle zabłukałych aviečak».
«Atrymałasia». Na fota Pucin vitajecca z byłym premjeram Polščy Donaldam Tuskam. Płakat namiakaje na zmovu palitykaŭ. Absurd…
Ludzi rasklejvali na słupach nalepki.
«Nie chočam imihrantaŭ».
«Ukrainiec mnie nie brat».
Udzielniki skandavali: «Raz sierpam, raz mołatam — čyrvony zbrod», «Śmierć voraham ajčyny», «Učora Maskva, siońnia Brusel zabirajuć u nas svabodu».
Biełarusaŭ by na hetym razhulnym śviacie ździviła adsutnaść palicyi. Jany trymalisia na vialikaj adlehłaści.
Maładziony dazvalajuć sabie ŭžyvać piva, palić piratechniku, pobač ź imi — babuli z kvietkami, maładyja pary ź dziećmi, padletki z sabakami.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)