U paniadziełak ministerstva zamiežnym spravaŭ čarhovy raz naviedaŭ časovy pavierany u spravach ZŠA ŭ Biełarusi Džanatan Mur. Padčas sustrečy jon paviedamiŭ, što peŭnaja kolkaść amerykanskich dyplamataŭ bližejšym časam pakinie Miensk, paviedamlaje pres-słužba MZS.
Tydzień tamu Džanatanu Muru rekamendavali vyraŭniać kolkaść dyplamataŭ na parytetnaj asnovie miž ZŠA i Biełaruśsiu.
Nahadajem, što 7 sakavika biełaruskija ŭłady adklikali z Vašynhtonu pasła Michaiła Chvastova. Heta było rastłumačana sankcyjami amerykanskaha boku suprać pradpryjemstva «Biełnaftachim».
12 sakavika paśla nastojvańnia z boku biełaruskaha MZS ź Miensku była vymušana źjechać pasoł ZŠA Karen Stjuart.
Učora BT pakazała repartaž pra vykryćcio ŭ Miensku špijonskaj sietki pad kiraŭnictvam kuratara z FBR Kurta Finli.
Paźniej u paniadziełak Džanatan Mur vystupiŭ z admysłovaj zajavaj, dzie paviedamiŭ, što pasolstva ZŠA ŭ Miensku da 27 sakavika pakinuć 17 dyplamataŭ, stolki sama zastaniecca pracavać u Biełarusi.