U paciarpieły ad chaładoŭ Tadžykistan planujecca nakiravać 2 dyzelnyja pierasovačnyja elektrastancyi, 5 tysiač paŭšarścianych koŭdraŭ i 10 tysiač miasnych kanservaŭ.
Biełaruś akaža humanitarnuju dapamohu Tadžykistanu. Rašeńnie ab hetym zaćvierdžana pastanovaj Savietu Ministraŭ Biełarusi numar 430.
«Da ŭradu Biełarusi źviarnuŭsia hieneralny sakratar EŭrAzES Tair Mansuraŭ z prośbaj ab akazańni dapamohi Tadžykistanu ŭ suviazi z krytyčnaj sytuacyjaj, vyklikanaj anamalna chałodnym nadvorjem», — paviedamiŭ karespandentu BIEŁTA pres‑sakratar Ministerstva pa nadzvyčajnych sytuacyjach Biełarusi Vital Navicki.
Materyjalnyja kaštoŭnaści dla humanitarnaj dapamohi, zhodna z pastanovaj Saŭminu, buduć vydzieleny ź dziaržaŭnaha materyjalnaha rezervu MNS. U pryvatnaści, u Tadžykistan planujecca nakiravać 2 dyzelnyja pierasovačnyja elektrastancyi, 5 tys. paŭšarścianych koŭdraŭ i 10 tys. miasnych kanservaŭ z tušanaj jałavičynaj. Ahulny košt humanitarnaha hruzu składaje bolš jak Br402 młn. U najbližejšy čas jon budzie nakiravany avijacyjnym transpartam u Tadžykistan.
Z momantu ŭtvareńnia MNS Biełarusi (u 1999 hodzie) humanitarnaja dapamoha pa linii viedamstva nakiroŭvałasia 21 raz u 17 krain śvietu (Rasieja, Šry‑Łanka, Iran, Liban i inš.).
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
-
Zatrymali mužčyn, jakija paili kołaj alenia ŭ Minskim zaaparku
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary