Dahetul jamu davodziłasia zarablać.
Spravaj zajmałasia žonka Stanisłava Stanisłavaviča, paviedamlaje »Narodnaja vola».
Jak viadoma, Alaksandr Łukašenka ŭ 1997 hodzie skasavaŭ pastanovu parłamienta ab pažyćciovaj piensii byłomu premjeru i kiraŭniku dziaržavy ŭ pamiery 70—75% ad akładu dziejučaha premjera i śpikiera.
Jon taksama padpisaŭ dekret ab «uparadkavańni piensij za asablivyja zasłuhi pierad biełaruskim narodam». Atrymałasia, što piensii za asablivyja zasłuhi byli pryznačanyja ŭ asnoŭnym pieršym asobam savieckaj Biełarusi, naprykład, byłym kiraŭnikam Kampartyi Biełarusi Mikałaju Śluńkovu i Jafremu Sakałovu.
Piaciarym inšyja byłym kiraŭnikam niezaležnaj Biełarusi, jakija Łukašenku nie padtrymali, — Stanisłavu Šuškieviču, Hieorhiju Tarazieviču, Siamionu Šareckamu, Miečysłavu Hrybu i Michaiłu Čyhiru — dadzienym dekretam piensija była pakinutaja na tym uzroŭni, na jakim znachodziłasia na momant padpisańnia dekreta, adnym słovam, «zamarožanaja». U 1997 hodzie heta było 3 196 000 biełaruskich rubloŭ, a paśla denaminacyi 1999 stała 3200 rubloŭ u miesiac. Takoj jana i zastavałasia da apošniaha času.
80-hadovy Šuškievič pryncypova nie chacieŭ što-niebudź prasić i prynižacca. Tolki ciapier žonka Stanisłava Stanisłavaviča aformiła dakumienty na atrymańnie im piensii pa ŭzroście. Ciapier pieršy kiraŭnik Biełarusi budzie atrymlivać krychu bolš za 4 młn rubloŭ.
— Heta «vychadki» žonki. Choć hrošy, naturalna, nie pieraškodziać, u apošni čas ja na samoj spravie złamaŭsia ŭ płanie pracy. Raniej davoli šmat pracavaŭ za miažoj, a ciapier zdaroŭje ŭžo nie toje.
U mianie raniej była piensija «za asablivyja zasłuhi» 3200 rubloŭ, jaje zamacavali na ŭzroŭni 1997 hoda, i sprava ź miesca nie ruchałasia. I žonka vyrašyła pajści inšym šlacham. Mnie ničoha nie skazała, sama ŭstupiła, tak by mović, u zmovu z sacyjalnymi słužbami. Piensija, darečy, mahła b być taksama bolšaj, kali ŭličvać, što ja zasłužany dziejač, člen-karespandent Akademii navuk i łaŭreat Dziaržaŭnaj premii, ale sacyjalnyja słužby skazali, što tut nie toj vypadak, — raspavioŭ palityk.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary