U vypadku parušeńnia pavietranaj prastory Ukrainy ŭkrainskija vajskoŭcy buduć źbivać rasijskija samaloty, skazaŭ siońnia sakratar Rady nacyjanalnaj biaśpieki i abarony Alaksandr Turčynaŭ. Pra heta paviedamiŭ sajt kanała TSN.
«Siły Turcyi dziejničali prafiesijna i tak, jak pavinny dziejničać adpaviednyja padraździaleńni luboj cyvilizavanaj krainy, kali jaje suverenuju prastoru parušajuć vajskovyja samaloty inšaj dziaržavy», — skazaŭ Turčynaŭ.
«Pierad tym, jak adkryć ahoń, turecki bok nieadnarazova papiaredžvaŭ Rasiju pra niedapuščalnaść parušeńnia jaje pavietranaj prastory… Tolki paśla hetaha byŭ atakavany rasijski samalot», — dadaŭ jon.
Ukraina budzie dziejničać anałahična, skazaŭ Turčynaŭ.
Siońnia turecki źniščalnik F-16 źbiŭ rasijski šturmavik Su-24. Turcyja jašče ŭ kastryčniku zajaŭlała, što rasijskija samaloty, jakija dziejničajuć u Siryi, parušajuć jaje miežy.
