U Breście pamierła 20-hadovaja maci, jakuju abliŭ bienzinam i padpaliŭ jaje chłopiec
24 listapada kala 4.00 u reanimacyi Bresckaj abłasnoj balnicy pamierła žančyna, jakuju amal try tydni tamu padpaliŭ 23-hadovy sužyciel.
U lačebnuju ŭstanovu žycharka Kobrynskaha rajona trapiła 5 listapada. Napiaredadni jana ź siabrami adpačyvała ŭ adnym z damoŭ ahraharadka Dzivin. Bližej da nočy pajšła spać u inšy pakoj. Jaje čałavieku heta nie spadabałasia. Na jaje admovu viarnucca ŭ kampaniju jon pluchnuŭ na dziaŭčynu, što lažała ŭ łožku, bienzin i kinuŭ zapałku.
Adzieńnie na paciarpiełaj paśpieli patušyć znajomyja. Pieršapačatkova stan dziaŭčyny aceńvaŭsia jak ciažki. Niahledziačy na ŭsie namahańni miedykaŭ, vyratavać jaje nie ŭdałosia.
U domie zahinułaja i jaje sužyciel pražyvali kala troch hadoŭ. Ich trochhadovaja dačka ŭ momant zdareńnia znachodziłasia ŭ babuli, jakaja zajmałasia vychavańniem unučki.
Sa słoŭ susiedziaŭ, maładyja baćki złoŭžyvali ałkaholem.
Padazravanaha zatrymali supracoŭniki milicyi. U dačynieńni da jaho raspačali kryminalnuju spravu pa č.1 art. 14, p. 6 č.2 art. 139 (Zamach na zabojstva, ździejśnienaje z asablivaj žorstkaściu) Kryminalnaha kodeksa Respubliki Biełaruś.
«U suviazi sa śmierciu paciarpiełaj vyrašajecca pytańnie ab pierakvalifikacyi kryminalnaj spravy. Pa fakcie śmierci dziaŭčyny pryznačana sudova-miedycynskaja ekśpiertyza», — paviedamili ŭ abłasnym upraŭleńni Śledčaha kamiteta.
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary