Razbojny napad na kiroŭcu taksi raskryty ŭ Navahrudskim rajonie.
Jak paviedamlaje UUS Hrodzienskaha abłvykankama, 27 listapada prykładna ŭ 18.00 dvoje žycharoŭ Navahrudka siłaj zavałodali aŭtamabilem «Aŭdzi 80» žančyny 1985 hoda naradžeńnia. Znachodziačysia ŭ mašynie na aŭtadarozie Lubča — Navahrudak — Dziatłava, dvoje maładych ludziej 1989 i 1992 hadoŭ naradžeńnia ŭdaryli kiroŭcu butelkaj pa hałavie.
Historyja pačałasia z taho, što maładyja ludzi, adzin ź jakich pasvaryŭsia sa svajoj dziaŭčynaj, vyrašyli «zamyć» hora, a kali hrošy skončylisia, pasprabavali papoŭnić materyjalnyja resursy. Praŭda, mietady vybrali niezakonnyja — učynili razbojny napad na taksista. Vyklikali mašynu, za rulom akazałasia dziaŭčyna. Sieli ŭ taksi, a kali vyjechali z Navahrudka, udaryli kiroŭcu pa hałavie butelkaj z-pad vina.
Jak paviedamiła kiroŭca taksi, jana aprytomnieła na zadnim siadzieńni svajho aŭtamabila, kudy jaje pieraciahnuli złamyśniki. U jaje zapytalisia pra hrošy, adnak taksistka schitryła i skazała, što jašče ničoha nie zarabiła. Jana prapanavała złamyśnikam pajechać da jaje damoŭ, dzie lažać źbieražeńni.
Kala padjezda doma taksistka vybiehła z aŭtamabila i zakryčała. Na dapamohu vybiehli jaje svajaki i spudzili złačyncaŭ. Jany ŭciakli, kinuŭšy mašynu, a ŭžo praz sutki byli zatrymanyja supracoŭnikami milicyi.
Sprava raspačataja na padstavie art. 207 KK (razboj).
