Разбойны напад на кіроўцу таксі раскрыты ў Навагрудскім раёне.
Як паведамляе УУС Гродзенскага аблвыканкама, 27 лістапада прыкладна ў 18.00 двое жыхароў Навагрудка сілай завалодалі аўтамабілем «Аўдзі 80» жанчыны 1985 года нараджэння. Знаходзячыся ў машыне на аўтадарозе Любча — Навагрудак — Дзятлава, двое маладых людзей 1989 і 1992 гадоў нараджэння ўдарылі кіроўцу бутэлькай па галаве.
Гісторыя пачалася з таго, што маладыя людзі, адзін з якіх пасварыўся са сваёй дзяўчынай, вырашылі «замыць» гора, а калі грошы скончыліся, паспрабавалі папоўніць матэрыяльныя рэсурсы. Праўда, метады выбралі незаконныя — учынілі разбойны напад на таксіста. Выклікалі машыну, за рулём аказалася дзяўчына. Селі ў таксі, а калі выехалі з Навагрудка, ударылі кіроўцу па галаве бутэлькай з-пад віна.
Як паведаміла кіроўца таксі, яна апрытомнела на заднім сядзенні свайго аўтамабіля, куды яе перацягнулі зламыснікі. У яе запыталіся пра грошы, аднак таксістка схітрыла і сказала, што яшчэ нічога не зарабіла. Яна прапанавала зламыснікам паехаць да яе дамоў, дзе ляжаць зберажэнні.
Каля пад'езда дома таксістка выбегла з аўтамабіля і закрычала. На дапамогу выбеглі яе сваякі і спудзілі злачынцаў. Яны ўцяклі, кінуўшы машыну, а ўжо праз суткі былі затрыманыя супрацоўнікамі міліцыі.
Справа распачатая на падставе арт. 207 КК (разбой).
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары