Kaścian pra źbićcio na Dzień Voli: «Ja nia baču ničoha strašnaha. U Anhlii i Francyi i pa 200 čałaviek nievinavatych rastrelvajuć. I ničoha»
Deputaty pra razhon śviatkavańnia 90-hodździa BNR.
Adnak biełaruskija parłamientaryi, jakija pavinny kłapacicca pra svaich vybarščykaŭ, kažuć, što ŭsio było zroblena pravilna i vinavaciać va ŭsim samich apazicyjanieraŭ.
Staršynia pastajannaj kamisii Savieta Respubliki Nacyjanalnaha schodu Biełarusi pa nacyjanalnaj biaśpiecy i mižnarodnym adnosinam Mikałaj Čarhiniec zajaviŭ «Racyi», što nie ličyć dziejańni milicyjantaŭ žorstkimi, i «hroš cana toj uładzie, jakaja nie moža sabie abaranić»
Heta nie žorstkaść, pahadziciesia, kali ŭziali ludziej za ruki, pasadzili ŭ mašynu i ciapier pryciahnuć da administratyŭnaj adkaznaści. Ja razumieju, što buduć pisać, i vy, napeŭna, taksama, maŭlaŭ, pasadzili ludziej u turmu. Byccam by heta kryminalnaje złačynstva. A nasamreč heta zvyčajnaje administratyŭnaje parušeńnie, jakoje jość u luboj krainie. Ludzi parušyli zakon — chaj adkazvajuć.
Pavodle spadara Čarhinca, dziejańni apazicyi padčas Dnia Voli byli skaardynavanyja «zachodnimi śpiecsłužbami» i nakiravanyja jany pierš za ŭsio na toje, kab paškodzić biełaruska‑ieŭrapiejskim adnosinam:
‑ Arhanizatary padobnych akcyj padsiłkoŭvajucca z boku śpiecsłužbaŭ Zachadu. I, zrazumieła, što jany nie chočuć hublać hetuju krynicu finansavańnia. I jany robiać takija pravakacyi. Ja spadziajusia, što ŭ zachodnich palitykaŭ choć na hety raz chopić rozumu dać pravilnuju acenku ŭčorašnim padziejam.
Padtrymlivaje žorstki razhon mirnaj demanstracyi i namieśnik staršyni mižnarodnaj kamisii Pałaty pradstaŭnikoŭ Siarhiej Kaścian:
‑ Ja nie baču ničoha strašnaha. U Anhlii i Francyi i pa 200 čałaviek nievinavatych rastrelvajuć. I ničoha. I dyjałoh chočuć z nami vieści. I my budziem vieści ź imi dyjałoh.
Siabar mižnarodnaj kamisii Siarhiej Hajdukievič upeŭnieny, što ŭčorašnija padziei ŭ Minsku nijakim čynam nie paŭpłyvajuć na biełaruska‑ieŭrapiejskija stasunki:
‑ Jak Jeŭropa pavinna reahavać, kali prychodziać 300 čałaviek z hodu ŭ hod, nu, moža, 400. Adnyja i tyja ž ludzi. Astatnija heta tyja, chto pa svaich słužbovych abaviazkach prychodzić u cyvilnym, kab sačyć za pieršymi? Nu jak luby realny palityk moža na takoje reahavać. Tryźnieńnie heta ŭsio!
Siabar kamisii pa pravach čałavieka, nacyjanalnym adnosinam i ŚMI Alaksandr Śviryd kaža, što nie vitaje dziejańni apazicyi, jakija razychodziacca z zakonam. Jak i atrymałasia padčas śviatkavańnia 90‑hodździa BNR. Pavodle jaho, apazicyja naŭmysna pravakuje ŭłady, kab zrabić pryhožuju karcinku dla Zachadu:
‑ Ja da takich pytańniaŭ staŭlusia vielmi niehatyŭna z boku arhanizataraŭ masavych mierapryjemstvaŭ. Tamu što jany prachodziać tak, kab zaŭsiody byli aryštavanyja i źbityja. Nu, chaj nie lezuć, nie naprošvajucca i nie padstaŭlajuć svaje pysy pad hetyja spravy.
Ale ŭsio ž bolšaść parłamientaryjaŭ admoviłasia kamientavać «Racyi» učorašnija padziei, dalikatna spasyłajučysia na toje, što ničoha nie čuli ni pra Dzień voli, ni pra 90‑hodzie BNR. Moža, kaniešnie, i chłusiać. Ale jak pravieryš!
-
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami
-
Što Paźniak dazvalaje Trampu i nie dazvalaje Cichanoŭskaj
-
«Spačatku treba zrabić raźličeńnie z «russkim mirom». Paźniak vystupiŭ rezka suprać akcyi Cichanoŭskich u Varšavie
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia11
Kamientary