«My pavinny dziejničać u intaresach ułasnaha naroda», — padkreśliŭ kiraŭnik dziaržavy.
Kiraŭnik dziaržavy padkreśliŭ, što adbylisia sustrečy z kiraŭnikom MVF u Ńju-Jorku, a taksama ŭ Minsku z pradstaŭnikami, jakija viaduć pieramovy z našym uradam.
«My nie znajšli niejkich prablem va ŭzhadnieńni prahram z MVF. Toje, što prapanujecca, razumna, i rana ci pozna daviadziecca realizoŭvać. Ale pytańnie pieršaje — kali, u jakija terminy, i, samaje hałoŭnaje, jakija ŭ vyniku hetaha buduć nastupstvy», — adznačyŭ Łukašenka.
Jon zajaviŭ: «Chaču, kab va ŭradzie i Nacyjanalnym banku vydatna razumieli maju pazicyju. Ale ja jašče raz padkreślivaju: rezać pa žyvym, i nieviadoma navošta, va ŭhodu kamu-niebudź ja nie źbirajusia».
«My pojdziem tolki na takija, jak vy ich nazyvajecie, reformy (heta navat nie reformy, heta narmalnaje funkcyjanavańnie dziaržavy), dyk voś, my pojdziem tolki na ŭdaskanaleńnie taho, što ŭ nas jość. Tolki tady pojdziem, kali budziem upeŭnienyja, što ŭ vyniku, da prykładu, pavyšeńnie taryfaŭ na ŽKH, ludzi buduć u stanie zapłacić pa rachunkach», — zapeŭniŭ jon.
Jon taksama zakranuŭ temu pryvatyzacyi: «Kali heta pryvatyzacyja, to my pavinny być upeŭnieny, što heta budzie pryvatyzacyja sumlennaja, čystaja, adkrytaja i, samaje hałoŭnaje, — kankurentnaja, u tym liku pry pryvatyzacyi taho ci inšaha pradpryjemstva».
Što tyčycca pytańnia pavyšeńnia piensijnaha ŭzrostu, to Łukašenka zajaviŭ:
«Kali my havorym pra toje, što nam treba pavyšać piensijny ŭzrost, što nam, darečy, MVF nastojliva rekamienduje, ja pierad vybarami heta skazaŭ, heta maja absalutnaja pierakananaść — nam treba pavyšać piensijny ŭzrost, i nazvaŭ pryčyny. Ale pry hetym skazaŭ, što my pavinny paraicca z narodam. Ja daručyŭ Administracyi prezidenta, dumaju, jany ŭžo vypracavali niejki ałharytm, jak z narodam paraicca. Pry hetym kiraŭnik dziaržavy zaŭvažyŭ: «Kali nie my siońnia heta zrobim, to ŭsio heta laža na našych dziaciej. Kali va ŭradzie ŭ kahości trend biehčy napieradzie paravoza, to ja chaču papiaredzić — nie rabicie hetaha».
Jak pierakanany Alaksandr Łukašenka, nieabchodna zychodzić ź intaresaŭ naroda. «My pavinny dziejničać u intaresach ułasnaha naroda.
Kali ŭ MVF nas nie padtrymajuć i nie zrazumiejuć, u hetym niama trahiedyi.
My budziem dalej ź imi pracavać ci nie pracavać naohuł, hałoŭnaje — heta naš narod i dziaržava. Jany (MVF) usiu prahramu pieraličyli, ja nidzie nie skazaŭ im nie — ni pa taryfach, ni pa ŭzroście, ni pa zarobkach. Z buchty-barachty rabić nielha, pałamajem krainu, pakryŭdzim narod, destabilizujem situacyju i stracim u vyniku sens».
Kiraŭnik dziaržavy ličyć, što ŭsie nieabchodna rabić razumna i ŭzvažana. Premjer-ministr Andrej Kabiakoŭ adznačyŭ: «Heta, pa sutnaści, miery, jakija my ŭžo realizoŭvajem abo płanujem realizavać u bližejšaj pierśpiektyvie z ulikam patrebaŭ ekanomiki. Pytańnie tolki ŭ terminach i chutkaści realizacyi».
