Sustreča rektara BDU sa studentami pieranosicca: «kab paźbiehnuć pravakacyj»
Pra heta paviedamlajecca na aficyjnym sajcie BDU.
«U suviazi z zaklikami da supraćpraŭnych dziejańniaŭ i infarmacyjaj pra imaviernyja pravakacyi, u metach harantavańnia biaśpieki studentaŭ BDU sustreča rektara BDU akademika Siarhieja Abłamiejki sa studentami pieranosicca», — havorycca ŭ paviedamleńni.
Na siońnia, 2 śniežnia, na 13:50 byŭ zapłanavany «Marš studentaŭ», jaki ładzić supolnaść #studentysuprać. Studenty mierkavali pratestavać suprać uviadzieńnia płaty za pierazdaču zalikaŭ i ispytaŭ.
Učora, 1 śniežnia, była anansavana sustreča rektara BDU Siarhieja Abłamiejki sa studentami «dla vyrašeńnia ŭsich balučych pytańniach». Sustreča była pryznačana na siońnia, 2 śniežnia, na 13.30 u aŭdytoryi 433 hałoŭnaha korpusa ŭstanovy.
Supolnaść #studentysuprać zaklikała navučencaŭ iści na sustreču z rektaram, kab zadać pytańni, abo sabracca kala hałoŭnaha korpusa BDU.
***
Zhodna z prejskurantam, pierazdača zaliku ŭ BDU acenienaja ŭ 33—37 tysiač u zaležnaści ad navukovaj stupieni vykładčyka, jaki jaho prymaje. Paŭtorny pryjom ispytu — 47—53 tysiačy, dziaržispytu — 350 tysiač. Paŭtornaje vykanańnie i abarona kursavoj raboty tańniejšyja za ŭsio na pieršym kursie — 516—584 tysiačy, daražejšyja za ŭsio na piatym — 833—945 tysiač.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary