U Litvie źniščyli 7 ton padroblenych cukierak, pryznačanych dla Biełarusi
Siem ton šakaładnych cukierak, jakija akazalisia padrobkami, byli źniščanyja ŭ Kłajpiedskim marskim porcie supracoŭnikami litoŭskaj mytni. Na ŭpakoŭkach cukierak byŭ nadpis «DEFFERO», a dyzajn vielmi nahadvaŭ pradukcyju viadomaj italjanskaj kampanii «FERRERO S.P.A.», piša pres-słužba Litoŭskaj mytni.
Paśla taho jak źjavilisia padazreńni, praviali pravierku. Kłajpiedskaja mytnia źviazałasia z pradstaŭnictvam «FERRERO S.P.A.», i tyja paćvierdzili, što heta padrobki, jakija parušajuć pravy na intelektualnuju ŭłasnaść kampanii. Akramia taho, hetyja cukierki mohuć być niebiaśpiečnymi dla zdaroŭja, tamu było pryniata rašeńnie ich źniščyć.
Pavodle dakumientaŭ, u tranzicie znachodziłasia 49 560 karobak cukierak. Vyrablenyja jany byli ŭ Kitai, pradaviec — kampanija z Bałharyi, a atrymalnikam pavinna była stać firma ŭ Biełarusi. Kali b hetyja padrobki trapili na rynak jak sapraŭdnaja pradukcyja, ich košt moh by dasiahać 282 tysiač jeŭra.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary